Actualitats
Rugbi XIII: la Tempèsta s’empòrta lo Rinocèros
De Vilagalhenc a Melbourne, l’actualitat de XIII torna planetària!
Alan Roch
Melbourne, campion del Mond
A Melbourne, la Tempèsta (campiona 2017 d’NRL) recebiá Leeds (venceire de la Superliga 2017) pel campionat del Mond dels clubs. Se los angleses marquèron los primièrs, deguèron plegar fàcia al ritme impausat pels australians: 38-4.
Las autras doas oposicions interemisfèris èran plan amicalas. Atal, Wigan aviá marcat 26 jogaires sul fuèlh de la partida. Los dos afrontaments virèron a l’avantage de las formacions australianas: 18-8 pels Rabbitohs fàcia a Wigan e 24-18 per Saint George-Illawara fàcia a Hull FC.
Los Dragons mancan de fuòc
Aqueste dijòus, los Dragons catalans èran en desplaçament cò d’Hull KR. Practiquèron un jòc estequit que permetèt a l’adversari de menar 16-0 a la pausa e de ganhar 23-4. Los Dragons se trapan atal en darrièra posicion de la competicion. Dissabte de vèspre, ensajaràn d’arrestar l’espirala de la desfaita amb la recepcion de Wakefield a Brutus.
Warrington es anat ganhar a Widnes: 18-10. Aquestas doas partidas èran avançadas de la dotzena jornada de la competicion.
En Championship, Tolosa domina las Aglas de Sheffield. Dimenge que ven, jogarà cò d’una esquipa que davala de Superliga: Leigh.
Copa: l’espleit per Vilagalhenc-Argon
Carcassona ten a sa Copa e, al tèrme d’una partida indecisa fins a la còrna, pren la victòria 26-17 sul Tolosa Olimpic pel compte dels 1/8ns de finala.
L’espleit escai a la formacion d’Elèit 2 Vilagalhenc-Argon que ganha fàcia a un grop de l’escalon superior: los Orses de Sent Gaudenç: 16-12.
Los autres sièis rescontres coneisson de conclusions logicas amb las qualificacions de las formacions d’Elèit 1: : qualificacion de Lesinhan (a Salsas: 54-8); Avinhon a Ferrals: (68-10); Palau a Selon: 60-36); St Estève-XIII Catalan (fàcia a Illa, 59 a 8); Limós a Caumont (70-4).
Lo tiratge pels quarts de finala (31 de març e 1r d’abril) se farà la primièra dimenjada de març.
Lo campionat repren
Aquesta dimenjada, se jogarà la darrièra jornada de la fasa anar del campionat d’Elèit 1: Carcassona e Tolosa se tornaràn trapar a Domèc; las autras partidas: Lesinhan-Palau, Dragonets-Albi, Vilanòva-Sent Gaudenç e un bèl afrontament a l’Agulha: Limós-Avinhon.
Alan Roch
A Melbourne, la Tempèsta (campiona 2017 d’NRL) recebiá Leeds (venceire de la Superliga 2017) pel campionat del Mond dels clubs. Se los angleses marquèron los primièrs, deguèron plegar fàcia al ritme impausat pels australians: 38-4.
Las autras doas oposicions interemisfèris èran plan amicalas. Atal, Wigan aviá marcat 26 jogaires sul fuèlh de la partida. Los dos afrontaments virèron a l’avantage de las formacions australianas: 18-8 pels Rabbitohs fàcia a Wigan e 24-18 per Saint George-Illawara fàcia a Hull FC.
Los Dragons mancan de fuòc
Aqueste dijòus, los Dragons catalans èran en desplaçament cò d’Hull KR. Practiquèron un jòc estequit que permetèt a l’adversari de menar 16-0 a la pausa e de ganhar 23-4. Los Dragons se trapan atal en darrièra posicion de la competicion. Dissabte de vèspre, ensajaràn d’arrestar l’espirala de la desfaita amb la recepcion de Wakefield a Brutus.
Warrington es anat ganhar a Widnes: 18-10. Aquestas doas partidas èran avançadas de la dotzena jornada de la competicion.
En Championship, Tolosa domina las Aglas de Sheffield. Dimenge que ven, jogarà cò d’una esquipa que davala de Superliga: Leigh.
Copa: l’espleit per Vilagalhenc-Argon
Carcassona ten a sa Copa e, al tèrme d’una partida indecisa fins a la còrna, pren la victòria 26-17 sul Tolosa Olimpic pel compte dels 1/8ns de finala.
L’espleit escai a la formacion d’Elèit 2 Vilagalhenc-Argon que ganha fàcia a un grop de l’escalon superior: los Orses de Sent Gaudenç: 16-12.
Los autres sièis rescontres coneisson de conclusions logicas amb las qualificacions de las formacions d’Elèit 1: : qualificacion de Lesinhan (a Salsas: 54-8); Avinhon a Ferrals: (68-10); Palau a Selon: 60-36); St Estève-XIII Catalan (fàcia a Illa, 59 a 8); Limós a Caumont (70-4).
Lo tiratge pels quarts de finala (31 de març e 1r d’abril) se farà la primièra dimenjada de març.
Lo campionat repren
Aquesta dimenjada, se jogarà la darrièra jornada de la fasa anar del campionat d’Elèit 1: Carcassona e Tolosa se tornaràn trapar a Domèc; las autras partidas: Lesinhan-Palau, Dragonets-Albi, Vilanòva-Sent Gaudenç e un bèl afrontament a l’Agulha: Limós-Avinhon.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari