Actualitats
Nòva Caledònia: lo referendum d'independéncia se tendrà lo 4 de novembre que ven
Aquel referendum èra previst dins lo dich Acòrdi de Nouméa signat per Lionel Jospin en 1998
Lo Congrès de la Nòva Caledonia a aprovat la data de la tenguda del referendum d’independéncia de França: aurà luòc lo 4 de novembre venent. La decision la prenguèron diluns passat per una ampla majoritat: 38 vòtes en favor e 14 contra. Aquel referendum èra estat previst dins lo dich Acòrdi de Nouméa, signat pel primièr ministre francés Lionel Jospin en 1998, entre França e la Nòva Caledonia.
Los sondatges fan pensar qu’a l’ora d’ara lo “non” benefícia d’un avantatge confortable. Ça que la, la Nòva Caledonia poirà encara organizar dos referendums de mai fins a l’an 2022.
Un territòri de descolonizar
La Nòva Caledònia es un territòri, situat dins l’ocean Pacific, a 17 000 quilomètres de la metropòli, que ten una autonomia politica dempuèi 1999, çò es: compren un govèrn, un parlament (lo Congrès) amb competéncia legislativa e un Senat costumièr. Ça que la, oficialament es considerat coma un territòri non autonòm per l’ÒNU, que doncas se deu descolonizar, e se pensa que lo referendum deuriá èsser util a aquela tòca. S’après aquel vòte ganha pas l’independéncia, l’Acòrdi de Nouméa prevei la convocacion d’un segond referendum sus la meteissa question al tèrme d’un an e mièg.
Lo vòte poiriá menar a la creacion d’un nòu estat independent de 18 000 km2 amb un pauc mens de 270 000 abitants. Cossí va que sián arribats al referendum d’autodeterminacion? Que se pacha? Quin es lo contèxt general de la Nòva Caledònia? Aquestas questions, ensagèrem de i respondre dins un article publicat en novembre passat que podètz trobar sus aqueste ligam.
Los sondatges fan pensar qu’a l’ora d’ara lo “non” benefícia d’un avantatge confortable. Ça que la, la Nòva Caledonia poirà encara organizar dos referendums de mai fins a l’an 2022.
Un territòri de descolonizar
La Nòva Caledònia es un territòri, situat dins l’ocean Pacific, a 17 000 quilomètres de la metropòli, que ten una autonomia politica dempuèi 1999, çò es: compren un govèrn, un parlament (lo Congrès) amb competéncia legislativa e un Senat costumièr. Ça que la, oficialament es considerat coma un territòri non autonòm per l’ÒNU, que doncas se deu descolonizar, e se pensa que lo referendum deuriá èsser util a aquela tòca. S’après aquel vòte ganha pas l’independéncia, l’Acòrdi de Nouméa prevei la convocacion d’un segond referendum sus la meteissa question al tèrme d’un an e mièg.
Lo vòte poiriá menar a la creacion d’un nòu estat independent de 18 000 km2 amb un pauc mens de 270 000 abitants. Cossí va que sián arribats al referendum d’autodeterminacion? Que se pacha? Quin es lo contèxt general de la Nòva Caledònia? Aquestas questions, ensagèrem de i respondre dins un article publicat en novembre passat que podètz trobar sus aqueste ligam.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
A l'altra cap de mond, una ilha longa que sembla una lhengonissa, plajas polidas, taurons valents, cresi pas que siga gaira rica. Aprés del Vietnam o encara mai luenh. Non cresi que valga pas la pena de far una guerra per conservar la dins la patria francesa coma en Algeria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari