Actualitats
Rugbi de XIII: temps de prima per una Dimenjada Magica
Lo bèl temps primairenc èra al rendètz-vos de la Dimenjada Magica a l’estadi Domèc de Carcassona per las 10 formacions d’Elèit 1
Alan Roch
Los catalans prenon los davants
E òc, fasiá caud e calguèt tornar a las pausas al mitan de cada mièg temps per refrescar los jogaires. Dissabte, Palau menèt 26-6 a la 53a minuta, mas perdèt fin finala 32-26 fàcia a Tolosa.
Meteissa marca de 32-26 dins la segonda partida en favor de St Gaudenç que tenguèt en permanéncia Vilanòva a distància.
Per Lesinhan, lo centre australian Gregorius marquèt tres ensages contra Limós e favorizèt la victòria de l’esquipa de Corbièras: 30-20.
Dimenge, la partida ASC-Albi se debanèt en tres tempses: una entamenada pels locals amb dos ensages; un temps fòrt dels Tigres albigeses que los portèt a menar 19-12; un darrièr quart d’ora canari amb 3 ensages per una victòria de l’AS Carcassona: 30-19.
Dins la cinquena partida, los Dragonets impausèron lor fòrça e lor vitessa als avinhonencs: 34-14. Atal, los catalans prenon sols lo cap de la competicion.
Lesinhan e Limós se tornaràn trapar dimenge al Molin, alara que la partida Dragonets-AS Carcassona se jogarà en dobertura del rescontre de Superliga dissabte a Brutus.
Dimenge, a Ramonvila, se debanarà la finala del Challenge Aillères, copa de las formacions d’Elèit 2, entre los audencs de Vilagalhenc-Argon e los roergasses de Vilafranca.
Saint Helens en fòrma
4 partidas se jogavan pel compte de la Superliga. Dijòus, un tombat de Sneyd permetèt a Hull FC de batre Leeds: 19-18.
Divendres, Saint Helens foguèt sens pietat per Huddersfield: 66-4, alara que Salford s’impausèt aisidament fàcia a Wakefield 38-4 e que Wigan prenguèt l’avantatge sus Castleford: 28-12.
Dissabte, los Dragons reçaupràn Hull FC a Brutus.
Un torn de Cup
En Cup, quatre formacions de Superliga dintravan dins la competicion; pas de problèma per Widnes (victòria 90-0 suls Orses de Coventry), Warrington (victòria 54-6 suls Taures de Bradford) o Hull KR (victòria 32-0 a Oldham).
Foguèt un pauc mai complicat pels Dragons catalans del costat de York, mas se qualifiquèron 34-22.
Los autres qualificats pels 8ns, per rejonher las autras uèit esquipas de Superliga son: Toronto, Leigh, Featherstone (Championship) e Whitehaven (League 1).
Isaac Lucky Luke fa plegar los Dragons
A Auckland, los Dragons de Sant Jòrdi Illawarra an conegut lor primièra desfaita de la sason. La clau de la victòria dels Combatents neozelandeses (20-12) foguèt la marca 40-20 trapada pel talonaire Issac Luke a l’ora de jòc que bonifiquèt d’un ensag marcat aprèp un despart al ras del tengut.
De notar la victòria de la Tempèsta de Melbourne cò dels Bròncos de Brisbane: 34-20.
Los Dragons e los Combatents son al cap del classament amb 2 punts d’avança sus las Pantèras de Penrith e los Tigres de l’Oèst (www.nrl.com).
Alan Roch
E òc, fasiá caud e calguèt tornar a las pausas al mitan de cada mièg temps per refrescar los jogaires. Dissabte, Palau menèt 26-6 a la 53a minuta, mas perdèt fin finala 32-26 fàcia a Tolosa.
Meteissa marca de 32-26 dins la segonda partida en favor de St Gaudenç que tenguèt en permanéncia Vilanòva a distància.
Per Lesinhan, lo centre australian Gregorius marquèt tres ensages contra Limós e favorizèt la victòria de l’esquipa de Corbièras: 30-20.
Dimenge, la partida ASC-Albi se debanèt en tres tempses: una entamenada pels locals amb dos ensages; un temps fòrt dels Tigres albigeses que los portèt a menar 19-12; un darrièr quart d’ora canari amb 3 ensages per una victòria de l’AS Carcassona: 30-19.
Dins la cinquena partida, los Dragonets impausèron lor fòrça e lor vitessa als avinhonencs: 34-14. Atal, los catalans prenon sols lo cap de la competicion.
Lesinhan e Limós se tornaràn trapar dimenge al Molin, alara que la partida Dragonets-AS Carcassona se jogarà en dobertura del rescontre de Superliga dissabte a Brutus.
Dimenge, a Ramonvila, se debanarà la finala del Challenge Aillères, copa de las formacions d’Elèit 2, entre los audencs de Vilagalhenc-Argon e los roergasses de Vilafranca.
Saint Helens en fòrma
4 partidas se jogavan pel compte de la Superliga. Dijòus, un tombat de Sneyd permetèt a Hull FC de batre Leeds: 19-18.
Divendres, Saint Helens foguèt sens pietat per Huddersfield: 66-4, alara que Salford s’impausèt aisidament fàcia a Wakefield 38-4 e que Wigan prenguèt l’avantatge sus Castleford: 28-12.
Dissabte, los Dragons reçaupràn Hull FC a Brutus.
Un torn de Cup
En Cup, quatre formacions de Superliga dintravan dins la competicion; pas de problèma per Widnes (victòria 90-0 suls Orses de Coventry), Warrington (victòria 54-6 suls Taures de Bradford) o Hull KR (victòria 32-0 a Oldham).
Foguèt un pauc mai complicat pels Dragons catalans del costat de York, mas se qualifiquèron 34-22.
Los autres qualificats pels 8ns, per rejonher las autras uèit esquipas de Superliga son: Toronto, Leigh, Featherstone (Championship) e Whitehaven (League 1).
Isaac Lucky Luke fa plegar los Dragons
A Auckland, los Dragons de Sant Jòrdi Illawarra an conegut lor primièra desfaita de la sason. La clau de la victòria dels Combatents neozelandeses (20-12) foguèt la marca 40-20 trapada pel talonaire Issac Luke a l’ora de jòc que bonifiquèt d’un ensag marcat aprèp un despart al ras del tengut.
De notar la victòria de la Tempèsta de Melbourne cò dels Bròncos de Brisbane: 34-20.
Los Dragons e los Combatents son al cap del classament amb 2 punts d’avança sus las Pantèras de Penrith e los Tigres de l’Oèst (www.nrl.com).
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari