CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dijòus, 25 d'abril

Actualitats

Dimars, 1 de mai de 2018, 03h00 Espòrt

Rugbi de XIII: de l’importància del beveire d’aiga

Lo mes d’abril s’acaba sus de nòtas optimistas pels Dragons Catalans, lo Tolosa-Olimpic e Limós


Comentaris Un comentari    
Marrit Flac Bon Plan bon Fabulós (1 vòte)
carregant En cargar


A Ramonvila, los jogaires del Vilagalhenc-Argon-Rugby-League baton Vilafranca de Roergue (20-17) e ganhan lo Challenge Aillères (copa de las formacions d’Elèit-2)
© www.ffr13.fr





Etiquetas
roch, rugbi, rugbi xiii, xiii

Lo tombat que balha de vam…
 
Los responsables catalans faguèron apèl a l’australian Josh Drinkwater  per remplaçar Luke Walsh que pòt pas mai jogar en rason d’una nafradura bèla a una cavilha. Arribat lo dijòus de matin, l’australian joguèt tre dissabte a la mesclanha fàcia a Hull FC a Brutus. Examen de dintrada plan capitat amb, en mai del jòc a la man, las tres transformacions dels ensages catalans marcats e tres penalitats ensacadas. Mas, dins la darrièra minuta, foguèt lo Tòni Gigòt que tustèt lo còp de pè decisiu: un tombat que passèt al ras de la barra per balhar, sus la marca de 25-24, la tresena victòria de la sason als Sang e Aur que daissan atal la coa del classament a Huddersfield. Mas los catalans son a quatre punts de Wakefield (7n) e de Salford (8n) que cal ragantar per evitar de se trapar tornar dins l’infernala pola monta-davala. Dijòus, los catalans aniràn desfisar lo cap de fila Saint Helens.
 
En Championship, Tolosa a repres fòrça per anar batre Swinton62-8 abans de reçaupre un brave talhon aqueste dissabte a Blanhac: Featherstone. La segonda plaça es en jòc!
 
 
Limós engarça los Singlars
 
En Elèit 1, los Dragonets refortisson lor primièra plaça en batent, en partida de dobertura de la Superliga, los carcassoneses: 40-6.
 
Dimenge al Molin, jos una brava pluèja dins lo primièr temps e jol solelh dins lo segond (e òc, lo Diable batiá sa femna), Lesinhan pensèt de signar una tresena victòria aquesta sason suls campions en menant 15-8 a cinc minutas del tèrme; mas un ensag del talonaire Teixido entre los pals e una escapada serpentejaira de l’arrièr Lavesnes, los dos ensages transformats per l’inusable Mickaël Murcia, permetèron als limosencs de s’impausar 20-15e de passar davant los Singlars al classament per la segonda plaça.
 
Avinhon es a l’arrèst e coneis una novèla desfaita del costat de Tolosa: 17-10. Partida sarrada a Palau e victòria dels locals 16-15 suls Orses de St Gaudençalara qu’Albi dispausa aisidament de Vilanòva: 36-10. A quatre jornadas de la fin, Albi es cinquen (26 punts), St Gaudenç seisen (24 punts), l’AS Carcassona setena (23 punts) e Palau 8n (22 punts). Solas doas d’aquelas quatre formacions seràn qualificadas pels barratges.
 
 
Dimenjada de copas
 
Aquesta dimenjada, serà consacrada a las copas cò de l’Elèit e cò dels juniors.
Pel compte de la Copa Lòrd-Derbydissabte de vèspre a Carcassona, las mièjas finalas opausaràn Limós e Albi (15 h), puèi Lesinhan e Sant-Esteve/XIII catalan (18 h). Dimenge, en juniors, per la Copa Nitard, a Limós, l’AS Carcassona afrontarà Tolosa (14 h) alara que Lesinhan e Baó se rescontraràn (16 h).Las finalas de las doas Copas se tendràn lo dimenge 10 de junh a Perpinhan aprèp una serada al Barcarès ont la Federacion recompensarà los melhors jogaires de la sason.
 
Aqueste dimenge, èra pas lo jorn de Lesinhan: de finalas de copas se debanavan a Ramonvila e los minims de l’FCL perdèron contra St Estève/XIII catalan 26-0, puèi los cadets daissavan partir la Copa a Albi: 37-18. La finala de la Copa Aillères, reservada a l’Elèit 2 veniá a Vilagalhenc-Argon. Los jogaires de Cabardés batián mercé a un ensag a doas minutas de la fin los Lops de Vilafranca de Roergue: 20-17.
 
 
NRL: Un vent de Tempèsta se lèva
 
En Austràlia, la Tempèsta de Melbourne balha la leiçon als Combatents neozelandeses: 50-10, alara que lo cap de fila, los Dragons de Sant Jòrdi, baton los Poletons de Sydney 24-8. Los Bròncos van ganhar cò dels Lapinons: 24-20, alara que los Vaquièrs son a l’arrèst (desfaita sus lor pelena 8-18 fàcia als Raiders) e que las Anguialas baton de gaire 24-22 los Tigres de l’Oèst.
 
 
 
 
Alan Roch




abonar los amics de Jornalet
 



publicitat



Comentaris

1 de mai 08.15h

• Entrevista de Jo Salès sus l'equipa de XIII de Posòls de las annadas 50 (en fin d'emission) : https://radiolengadoc.com/lo-miegjornau-2018-04-30/#more-2850


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

“Òc pertot”, enfin la dignitat

Un recampament sus la Plaça Clemenceau de Pau marcava ièr dissabte lo començament de la campanha sonada “Òc pertot“ per l’oficializacion e la dignificacion ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • País de Rasés. © Franc Bardòu

    País de Rasés

  • © Laurenç Revèst

    Besièrs, preséncia d'occitan en ciutat e CIRDOC

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • © Laurenç Revèst

    Dau castèu de Grimaud

  • © Laurenç Revèst

    Menton, 'a vivaroalpenca maritima

  • Zep Armentano

    25au Corsa Aran per sa Lengua

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © CD

    Escòla Calandreta dau Mas. Drap (País Niçard)

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Franc Bardòu

    Catalonha etèrna

  • Val d'Aran, cap de Gasconha

  • Estivada 2013. © Guillem Sevilla

    Estivada 2013

  • País de Rasés. © Franc Bardòu

    País de Rasés

  • Líusola (Comtat de Niça). © Laurenç Revèst

    Líusola (Comtat de Niça)

  • Avinhon. © Theò Bajon

    L'occitan per carrièras

  • Mini presèpi (santons de 4 cms) ambé sei 3 Reis magues arribats. © Andriu Dosòl

    Concors de Nadal de Jornalet: Cossí se passan las Calendas en cò vòstre?

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • A Gavotina marítima: Recabruna Cab Martin, a vila vielha e o castèl dau sécolo X

  • 20u corsa Aran per sa Lengua. © Guillem Sevilla

    20u corsa Aran per sa Lengua

giny

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)