Actualitats
Rugbi de XIII: Pentacosta, los Dragons remontan la penda
Aquesta Pentacosta a vist los Dragons mai fòrts que lo signe indian a Newcastle, Tolosa ganhar la simpatia del public anglés e la situacion s’esclarcir al classament de l’Elèit 1
Alan Roch
Los Dragons mai fòrts que los Diables
Amb la Dimenjada Magica, los catalans avián una darrièra carta de jogar per demorar en corsa pel Super-8 e daissar la darrièra plaça. Dimenge, Salford se trapava sus lor camin. Se los angleses marcavan los primièrs, los Sang e Aur replicavan per un ensag de Benjamin Garcia, e Julian Bosquet ajustava un ensag a la vintena minuta. 10-6 pels catalans a la pausa. Lo segond temps vesiá l’alièr catalan Broughton plantar tres ensages, Gigòt ne transformava un e ajustava una penalitat. Los angleses clavavan la marca en fin de partida, mas daissavan la victòria als Dragons: 26-12.
Atal, los catalans remontan a la desena plaça a dos punts de lor adversari del jorn que son 8ns, la plaça de prene per evitar la pola monta-davala de l’estiu.
Dissabte, los Dragons recebràn a Brutus Leeds, macat per sa desfaita fàcia a Castleford: 38-10. Huddersfield ensaja tanben de sortir de la zòna marrida: victòria sus Wakefield: 25-22.
Las autras partidas veson logicament St Helens batre Widnes (38-18), Wigan mai fòrt que Warrington (38-10) e Hull FC batre son vesin Hull KR: 34-22.
Tròp fòrts, los canadians
En dobertura de la Dimenjada Magica, Tolosa joguèt sa partida de Championship contra Toronto. Longtemps, la partida demorèt equilibrada. Mas, après un ensag acordat als canadians alara que l’alièr aviá daissada tombar la palma (solament, pas de vidèo sus aquela partida) los Lops s’envolèron per ganhar 43-30.
Novèla partida d’importància pels occitans aqueste dimenge fàcia a Londres del costat de Blackpool ont se ten lo Summer Bash, qu’es la Dimenjada Magica d’aquela competicion.
La bona operacion de Carcassona
En Elèit 1, dissabte, los catalans mangèron tot cruses los Singlars de Corbièras: 54-6. L’AS Carcassona s’apoderèt de la cinquena plaça mercé a una victòria, al tèrme d’una partida dobèrta e nhacosa, en tèrra tarnesa a Albi: 37-24. Avinhon prenguèt lo pas sus Sant-Gaudenç: 32-22.
Dimenge, Palau joguèt a fons sas darrièras cartas per encapar la qualificacion, mas, fin finala, Limós s’impausèt 42-34. Vilanòva anèt ganhar a Tolosa la partida dels darrièrs: 40-10.
Aquesta dimenjada, las plaças al classament se deurián trapar definitivament fixadas aprèp l’avantdarrièra jornada de la fasa de classament: Carcassona-Palau, Lesinhan-Albi, St Gaudenç-Dragonets, Vilanòva-Avinhon e Limós-Tolosa.
Elèit 2: una polida aficha al Barcarés
En Elèit 2, la finala del campionat se jogarà aqueste dimenge 27 de mai al Barcarés entre los audencs de Vilagalhenc-Argon Rugby-League e los tarneses de L’Escura.
Alan Roch
Amb la Dimenjada Magica, los catalans avián una darrièra carta de jogar per demorar en corsa pel Super-8 e daissar la darrièra plaça. Dimenge, Salford se trapava sus lor camin. Se los angleses marcavan los primièrs, los Sang e Aur replicavan per un ensag de Benjamin Garcia, e Julian Bosquet ajustava un ensag a la vintena minuta. 10-6 pels catalans a la pausa. Lo segond temps vesiá l’alièr catalan Broughton plantar tres ensages, Gigòt ne transformava un e ajustava una penalitat. Los angleses clavavan la marca en fin de partida, mas daissavan la victòria als Dragons: 26-12.
Atal, los catalans remontan a la desena plaça a dos punts de lor adversari del jorn que son 8ns, la plaça de prene per evitar la pola monta-davala de l’estiu.
Dissabte, los Dragons recebràn a Brutus Leeds, macat per sa desfaita fàcia a Castleford: 38-10. Huddersfield ensaja tanben de sortir de la zòna marrida: victòria sus Wakefield: 25-22.
Las autras partidas veson logicament St Helens batre Widnes (38-18), Wigan mai fòrt que Warrington (38-10) e Hull FC batre son vesin Hull KR: 34-22.
Tròp fòrts, los canadians
En dobertura de la Dimenjada Magica, Tolosa joguèt sa partida de Championship contra Toronto. Longtemps, la partida demorèt equilibrada. Mas, après un ensag acordat als canadians alara que l’alièr aviá daissada tombar la palma (solament, pas de vidèo sus aquela partida) los Lops s’envolèron per ganhar 43-30.
Novèla partida d’importància pels occitans aqueste dimenge fàcia a Londres del costat de Blackpool ont se ten lo Summer Bash, qu’es la Dimenjada Magica d’aquela competicion.
La bona operacion de Carcassona
En Elèit 1, dissabte, los catalans mangèron tot cruses los Singlars de Corbièras: 54-6. L’AS Carcassona s’apoderèt de la cinquena plaça mercé a una victòria, al tèrme d’una partida dobèrta e nhacosa, en tèrra tarnesa a Albi: 37-24. Avinhon prenguèt lo pas sus Sant-Gaudenç: 32-22.
Dimenge, Palau joguèt a fons sas darrièras cartas per encapar la qualificacion, mas, fin finala, Limós s’impausèt 42-34. Vilanòva anèt ganhar a Tolosa la partida dels darrièrs: 40-10.
Aquesta dimenjada, las plaças al classament se deurián trapar definitivament fixadas aprèp l’avantdarrièra jornada de la fasa de classament: Carcassona-Palau, Lesinhan-Albi, St Gaudenç-Dragonets, Vilanòva-Avinhon e Limós-Tolosa.
Elèit 2: una polida aficha al Barcarés
En Elèit 2, la finala del campionat se jogarà aqueste dimenge 27 de mai al Barcarés entre los audencs de Vilagalhenc-Argon Rugby-League e los tarneses de L’Escura.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari