Actualitats
Rugbi de XIII: los Dragons desbanan lo Rinocèros
Los darrièrs rescontres de mai fan florir de suspresas dins las competicions tretzistas
Alan Roch
Lo temps de la remontada catalana
Lo campion Leeds es pas flame per l’ora e las desfaitas s’encadenan; ça que la èra lo campion qu’èra sus la pelena aqueste dissabte de vèspre a Brutus; los Dragons, solidaris e animats d’un brave esperit ofensiu, mestregèron lo primièr temps e marquèron tres còps: Bird metiá sus orbita Benjamin Jullien, lo capitani Casty liberava una palma per Ben Garcia e McIlorum i anava d’un ensag de talonaire-lostic.
Gigòt ajustèt un tombat, mas Leeds marquèt abans la pausa: 17-4 pels catalans. Los Rinocèros pausèron problèmas als catalans a la represa e tornèron a 17-14 en marcant dos ensages dins las primièras dètz minutas. Los catalans daissavan passar l’auratge e Gigòt preniá a contrapè la defensa anglesa, puèi Drinkwater puntava son ensag abans una ataca que fasiá dos còps la largor del terren per mandar Broughton en Tèrra Promesa; sus la còrna, Leeds redusissiá la marca: 33-20 pels catalans.
Una victòria que torna plaçar los Dragons en desena posicion, a 2 punts d’una plaça dins lo Top 8 salvador. Lo 9 de junh, los Sang e Aur reçaupràn los darrièrs: Widnes. Serà un biais de persègre aquesta dinamica positiva amb l’arribada d’un segonda-linha neozelandés en provenença de l’NRL e de Parrammatta: Kenny Edwards.
Lo cap de fila Saint Helens anèt ganhar dijòus a Castleford: 40-18. Divendres, Hull KR dominèt Wigan: 24-8; Huddersfield s’impausèt a Salford: 24-16 e Wakefield a Widnes: 19-6, alara que Warrington batiá Hull FC: 30-12.
Quart de Cup cò dels Gigants
Dijòus al ser, los Dragons aniràn jogar lo quart de la Cup cò dels Gigants d’Huddersfield. Demòra de saupre se l’entraïnaire Mac Namara mandarà l’esquipa bèla o se farà virar en privilegiant lo campionat.
Los autres quarts opausaràn Leeds e Leigh, darrièr representant del Championship, divendres; Warrington e Wigan, dissabte e St Helens e Hull FC dimenge.
Super Kheirallah per Tolosa
En Championship, èra lo temps del Summer Bash a Blackpool ont totas las esquipas de la competicion jogavan aquesta dimenjada. Dimenge de vèspre, lo Tolosa Olimpic afrontava Londres, una partida entre las doas formacions que son darrièr lo cap de fila Toronto al classament. Los occitans ganhèron 40-28 e l’arrièr australian del XIII de França Mark Kheirallah se metèt en evidéncia en marcant dos ensages e en signant sièis transformacions sus sèt.
Elèit 1: encara una jornada de la fasa de classament
Dissabte, Albi enfonzèt Lesinhan dins l’espirala de las desfaitas: 30-18 pels tarneses al Molin, alara que Vilanòva clavava sa sason a domicili amb una brava victòria fàcia a Avinhon: 31-20.
Dimenge, los Dragonets levèron los darrièrs espèrs de qualificacion a Sent Gaudenç: 34-10; Limós batèt logicament Tolosa: 42-28 e Carcassona se deguèt sortir las tripas per batre Palau 30-22 e assegurar sa qualificacion pels barratges.
Al programa de la darrièra jornada de la fasa de classament: Albi-Dragonets; Avinhon-Limós; Palau-Lesinhan; St Gaudenç-Vilanòva e Tolosa-Carcassona.
Vilagalhenc-Argon, campions d’Elèit 2
Èra jornada de finalas aqueste dimenge a l’estadi del Barcarés. Lo XIII catalan se ganhèt los dos títols dels joves: los minims (U14) contra l’MJC-Carcassona: 22-10 e los cadets (U16) contra l’FC Lesinhan: 40-2.
En finala d’Elèit 2, la formacion de Cabardés, Vilagalhenc-Argon capitèt de contrar lo vam tarnés dels jogaires de l’Escura dins una partida dobèrta e indecisa que los audencs ganhèron 23-16, signant atal lo doblat aprèp la victòria en Copa Aillières.
Alan Roch
Lo campion Leeds es pas flame per l’ora e las desfaitas s’encadenan; ça que la èra lo campion qu’èra sus la pelena aqueste dissabte de vèspre a Brutus; los Dragons, solidaris e animats d’un brave esperit ofensiu, mestregèron lo primièr temps e marquèron tres còps: Bird metiá sus orbita Benjamin Jullien, lo capitani Casty liberava una palma per Ben Garcia e McIlorum i anava d’un ensag de talonaire-lostic.
Gigòt ajustèt un tombat, mas Leeds marquèt abans la pausa: 17-4 pels catalans. Los Rinocèros pausèron problèmas als catalans a la represa e tornèron a 17-14 en marcant dos ensages dins las primièras dètz minutas. Los catalans daissavan passar l’auratge e Gigòt preniá a contrapè la defensa anglesa, puèi Drinkwater puntava son ensag abans una ataca que fasiá dos còps la largor del terren per mandar Broughton en Tèrra Promesa; sus la còrna, Leeds redusissiá la marca: 33-20 pels catalans.
Una victòria que torna plaçar los Dragons en desena posicion, a 2 punts d’una plaça dins lo Top 8 salvador. Lo 9 de junh, los Sang e Aur reçaupràn los darrièrs: Widnes. Serà un biais de persègre aquesta dinamica positiva amb l’arribada d’un segonda-linha neozelandés en provenença de l’NRL e de Parrammatta: Kenny Edwards.
Lo cap de fila Saint Helens anèt ganhar dijòus a Castleford: 40-18. Divendres, Hull KR dominèt Wigan: 24-8; Huddersfield s’impausèt a Salford: 24-16 e Wakefield a Widnes: 19-6, alara que Warrington batiá Hull FC: 30-12.
Quart de Cup cò dels Gigants
Dijòus al ser, los Dragons aniràn jogar lo quart de la Cup cò dels Gigants d’Huddersfield. Demòra de saupre se l’entraïnaire Mac Namara mandarà l’esquipa bèla o se farà virar en privilegiant lo campionat.
Los autres quarts opausaràn Leeds e Leigh, darrièr representant del Championship, divendres; Warrington e Wigan, dissabte e St Helens e Hull FC dimenge.
Super Kheirallah per Tolosa
En Championship, èra lo temps del Summer Bash a Blackpool ont totas las esquipas de la competicion jogavan aquesta dimenjada. Dimenge de vèspre, lo Tolosa Olimpic afrontava Londres, una partida entre las doas formacions que son darrièr lo cap de fila Toronto al classament. Los occitans ganhèron 40-28 e l’arrièr australian del XIII de França Mark Kheirallah se metèt en evidéncia en marcant dos ensages e en signant sièis transformacions sus sèt.
Elèit 1: encara una jornada de la fasa de classament
Dissabte, Albi enfonzèt Lesinhan dins l’espirala de las desfaitas: 30-18 pels tarneses al Molin, alara que Vilanòva clavava sa sason a domicili amb una brava victòria fàcia a Avinhon: 31-20.
Dimenge, los Dragonets levèron los darrièrs espèrs de qualificacion a Sent Gaudenç: 34-10; Limós batèt logicament Tolosa: 42-28 e Carcassona se deguèt sortir las tripas per batre Palau 30-22 e assegurar sa qualificacion pels barratges.
Al programa de la darrièra jornada de la fasa de classament: Albi-Dragonets; Avinhon-Limós; Palau-Lesinhan; St Gaudenç-Vilanòva e Tolosa-Carcassona.
Vilagalhenc-Argon, campions d’Elèit 2
Èra jornada de finalas aqueste dimenge a l’estadi del Barcarés. Lo XIII catalan se ganhèt los dos títols dels joves: los minims (U14) contra l’MJC-Carcassona: 22-10 e los cadets (U16) contra l’FC Lesinhan: 40-2.
En finala d’Elèit 2, la formacion de Cabardés, Vilagalhenc-Argon capitèt de contrar lo vam tarnés dels jogaires de l’Escura dins una partida dobèrta e indecisa que los audencs ganhèron 23-16, signant atal lo doblat aprèp la victòria en Copa Aillières.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari