Actualitats
Rugbi de XIII: direccion Bolton pels Dragons
Un dels grands rendètz-vos de l’annada tretzista arriba: la primièra confrontacion dels Estats d’Origina en Austràlia aqueste dimècres 6 de junh
Alan Roch
Un pas de gigant cap a Wembley pels Dragons
Los Dragons dobriguèron la tièra dels quarts de finala de la Cup dijòus de ser cò dels Gigants d’Huddersfield. Los catalans confirmèron lor bona dinamica actuala en ganhant pro aisidament 20-6. Divendres, Leigh (Championship) poguèt pas res contra Leeds: desfaita 22-52. Dissabte, los Lops de Warrington cruissiguèron tot crus Wigan: 23-0. Dimenge, St Helens s’ajustèt a la tièra dels qualificats aprèp la victòria 25-22 fàcia al detentor del trofèu (en 2016 e 2017), Hull-FC, que paguèt son indisciplina: dos ensages encaissats alara que jogavan a 11 aprèp 2 cartons jaunes consecutius.
En esperant lo 5 d’agost e las mièjas finalas que se jogaràn sus l’estadi de Bolton ont los Dragons rescontraràn Saint Helens (e, doncas, l’autra aficha serà: Warrington-Leeds), los Dragons ensajaràn de montar dins los primièrs 8 del classament de la Superliga. Recebràn aqueste dissabte 9 (18 h) los darrièrs, los Vikings de Widnes que venon de cambiar d’entraïnaire.
Elèit 1: Albi jogarà los barratges
La darrièra jornada de la fasa de classament a permés de fixar (enfin) lo debanament de las fasas finalas del campionat que se clavarà lo dimenge 1r de julh sus la pelena de l’Estadium d’Albi.
Los primièrs dos avián ja lo cap a la finala de la Copa e al mitan de las ramadas, del fólzer e dels pets de tron, Albi en ganhant 24-14 contra los Dragonets a assegurat sa plaça de barragista. Limós presentava un grop amb juniors e reservistas que faguèt pas lo pes 58-14 contra Avinhon dins una partida jogada al Pontet.
Carcassona coneguèt cap de dificultat per anar batre Tolosa: 42-12. Dimenge, Lesinhan s’assegurèt la tresena plaça en ganhant a Palau (48-22) e Sent Gaudenç, que podiá pas mai esperar la qualificacion, pleguèt fàcia a Vilanòva: 18-24.
Dins una quinzenada, los barratges opausaràn d’un caire Avinhon e Carcassona en Provença e d’autre caire Lesinhan e Albi al Molin. Los Dragonets e Limós recebràn los venceires en mièja finala.
Dimenge de Copas a Perpinhan
Aqueste dimenge 10 de junh, l’estadi Brutus aculhirà doas finalas de Copa: la Copa Nitard dels juniors a 3 oras del vèspre entre Lesinhan e Carcassona, e la Copa Lòrd-Derby a 5 oras del vèspre entre Dragonets e Limós.
Los espectators se veiràn remetre lo novèl mesadièr papièr lançat per la Federacion: Planète-XIII.
Dissabte 9, al Barcarés, se serà tengut lo congrès de la Federacion e, en serada, una fèsta XIII d’Aur per recompensar los melhors jogaires, entraïnaire e arbitre de la sason.
TO: en esperant Leigh a Albi
Pel compte del Championship, lo Tolosa Olimpic recebrà los Dògols de Batley aqueste dissabte 9 (3 oras del vèspre) sus l’estadi de Blanhac.
Lo dissabte 16, es a l’estadium d’Albi, que se jogarà la partida entre Tolosa e los Centurions de Leigh a 3 oras e mièja del vèspre. Sus l’aficha, lo TO met endavant los tres jogaires (Clamenç Boyer, Antòni Marion, Maxime Puèch) e l’entraïnaire (Silvan Houlés) d’origina tarnesa.
Primièrs Estats d’Origina de l’annada
Aqueste dimècres, se tendrà la primièra oposicion dels Estats d’Origina entre Queensland e Nòva Galas del Sud de la sason. Cèrts jogaires (coma Cameron Smith) an anonciat lor retirada aprèp la finala de la Copa del Mond. De novèlas generacions van dintrar dins lo grand concèrt legendari australian. La partida se poirà seguir, coma de costuma, en dirècte sus BeInSport (12h30). Per un còp, lo rescontre se debanarà en terren nèutre: a Melbourne.
En campionat (www.nrl.com ), tres esquipas son en cap de la competicion: Sant Jòrdi Illawarra, Penrith e los Lapinons.
Avèm pas 50 ans cada jorn
La formacion de Corbièras, lo Val de Danha XIII, festejarà sos cinquanta ans lo dissabte 30 de junh a Serviès en Val: demostracion de rugbi femenin (15h), mòstra e presentacion del libre-sovenir (17h), aperitiu (18h), sopar (20h; prèp de 500 personas inscrichas ja); filme sus la vida del club (23h) e animacion son al programa per marcar lo ligam fòrt de la formacion e son territòri, un imne al rugbi dels vilatges, un rugbi de dimension umana, fait de solidaritat, de fraternitat e d’engatjament pel plaser de jogar amb los collègas e defendre un malhòt (roge e negre) que pòrta una crotz occitana e un cèrvi sus son blason.
Alan Roch
Los Dragons dobriguèron la tièra dels quarts de finala de la Cup dijòus de ser cò dels Gigants d’Huddersfield. Los catalans confirmèron lor bona dinamica actuala en ganhant pro aisidament 20-6. Divendres, Leigh (Championship) poguèt pas res contra Leeds: desfaita 22-52. Dissabte, los Lops de Warrington cruissiguèron tot crus Wigan: 23-0. Dimenge, St Helens s’ajustèt a la tièra dels qualificats aprèp la victòria 25-22 fàcia al detentor del trofèu (en 2016 e 2017), Hull-FC, que paguèt son indisciplina: dos ensages encaissats alara que jogavan a 11 aprèp 2 cartons jaunes consecutius.
En esperant lo 5 d’agost e las mièjas finalas que se jogaràn sus l’estadi de Bolton ont los Dragons rescontraràn Saint Helens (e, doncas, l’autra aficha serà: Warrington-Leeds), los Dragons ensajaràn de montar dins los primièrs 8 del classament de la Superliga. Recebràn aqueste dissabte 9 (18 h) los darrièrs, los Vikings de Widnes que venon de cambiar d’entraïnaire.
Elèit 1: Albi jogarà los barratges
La darrièra jornada de la fasa de classament a permés de fixar (enfin) lo debanament de las fasas finalas del campionat que se clavarà lo dimenge 1r de julh sus la pelena de l’Estadium d’Albi.
Los primièrs dos avián ja lo cap a la finala de la Copa e al mitan de las ramadas, del fólzer e dels pets de tron, Albi en ganhant 24-14 contra los Dragonets a assegurat sa plaça de barragista. Limós presentava un grop amb juniors e reservistas que faguèt pas lo pes 58-14 contra Avinhon dins una partida jogada al Pontet.
Carcassona coneguèt cap de dificultat per anar batre Tolosa: 42-12. Dimenge, Lesinhan s’assegurèt la tresena plaça en ganhant a Palau (48-22) e Sent Gaudenç, que podiá pas mai esperar la qualificacion, pleguèt fàcia a Vilanòva: 18-24.
Dins una quinzenada, los barratges opausaràn d’un caire Avinhon e Carcassona en Provença e d’autre caire Lesinhan e Albi al Molin. Los Dragonets e Limós recebràn los venceires en mièja finala.
Dimenge de Copas a Perpinhan
Aqueste dimenge 10 de junh, l’estadi Brutus aculhirà doas finalas de Copa: la Copa Nitard dels juniors a 3 oras del vèspre entre Lesinhan e Carcassona, e la Copa Lòrd-Derby a 5 oras del vèspre entre Dragonets e Limós.
Los espectators se veiràn remetre lo novèl mesadièr papièr lançat per la Federacion: Planète-XIII.
Dissabte 9, al Barcarés, se serà tengut lo congrès de la Federacion e, en serada, una fèsta XIII d’Aur per recompensar los melhors jogaires, entraïnaire e arbitre de la sason.
TO: en esperant Leigh a Albi
Pel compte del Championship, lo Tolosa Olimpic recebrà los Dògols de Batley aqueste dissabte 9 (3 oras del vèspre) sus l’estadi de Blanhac.
Lo dissabte 16, es a l’estadium d’Albi, que se jogarà la partida entre Tolosa e los Centurions de Leigh a 3 oras e mièja del vèspre. Sus l’aficha, lo TO met endavant los tres jogaires (Clamenç Boyer, Antòni Marion, Maxime Puèch) e l’entraïnaire (Silvan Houlés) d’origina tarnesa.
⚠ [MATCH ÉVÉNEMENT]
— Toulouse Olympique (@TOXIII) 3 de juny de 2018
Toulouse Olympique @LeighCenturions
Stadium d'Albi (81)
Premier match délocalisé du TO XIII !
Samedi 16 juin 15h30
Billetterie en ligne : https://t.co/BUMY50EMm9 (places entre 5 et 15€)
pic.twitter.com/tnGTNyG5ty
Primièrs Estats d’Origina de l’annada
Aqueste dimècres, se tendrà la primièra oposicion dels Estats d’Origina entre Queensland e Nòva Galas del Sud de la sason. Cèrts jogaires (coma Cameron Smith) an anonciat lor retirada aprèp la finala de la Copa del Mond. De novèlas generacions van dintrar dins lo grand concèrt legendari australian. La partida se poirà seguir, coma de costuma, en dirècte sus BeInSport (12h30). Per un còp, lo rescontre se debanarà en terren nèutre: a Melbourne.
En campionat (www.nrl.com ), tres esquipas son en cap de la competicion: Sant Jòrdi Illawarra, Penrith e los Lapinons.
Avèm pas 50 ans cada jorn
La formacion de Corbièras, lo Val de Danha XIII, festejarà sos cinquanta ans lo dissabte 30 de junh a Serviès en Val: demostracion de rugbi femenin (15h), mòstra e presentacion del libre-sovenir (17h), aperitiu (18h), sopar (20h; prèp de 500 personas inscrichas ja); filme sus la vida del club (23h) e animacion son al programa per marcar lo ligam fòrt de la formacion e son territòri, un imne al rugbi dels vilatges, un rugbi de dimension umana, fait de solidaritat, de fraternitat e d’engatjament pel plaser de jogar amb los collègas e defendre un malhòt (roge e negre) que pòrta una crotz occitana e un cèrvi sus son blason.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari