Bandièra01 1180x150: País Invisible

Actualitats

Colómbia: la drecha ganha la presidenciala e met en perilh lo procès de patz

Lo conservator Iván Duque, ganhant de l’eleccion, s’opausa a l’acòrdi de patz signat amb las FARC e ne revisarà los tèrmes coma aviá ben promés en campanha

| Iván Duque
Lo conservator Iván Duque a ganhat l’eleccion presidenciala de Colòmbia amb lo 53,98% dels vòtes. Considerat coma l’eiretièr d’Álvaro Uribe, Duque es contrari a l’acòrdi de patz signat amb las FARC e ne revisarà los tèrmes coma aviá ben promés en campanha. “La patz que nos manca, que reclama de correcions, aurà de correccions per que las victimas sián lo centre del procès per garentir vertat, justícia e reparacion”, çò diguèt après conéisser los resultats de l’eleccion. Son rival, lo progressista Gustavo Pedro, atenguèt lo 41,84% dels vòtes.
 
Durant lo procès de patz, Dique foguèt lo pòrtavotz de la campanha “non” al referendum suls acòrdis de patz signats entre lo govèrn progressista d’alavetz de Manuel Santos e la guerrilha de las FARC. De fach, lo “non” s’impausèt per pauc, çò qu’obliguèt las doas parts de tornar pensar los tèrmes dels acòrdis.
 
Après conéisser sa victòria, Duque admetèt dins son discors la polarizacion sociala entre los partisans e los adversaris dels acòrdis de patz.
 
 
“Permetrem pas que manden tornarmai lo país a la guèrra”
 
Quant a Petro, l’autre candidat, a pas obtengut un marrit resultat se se compara amb los resultats precedents. Èx-cònsol de Bogotà e ancian militant del movement guerrilhièr M-19, Petro planguèt la campanha de son rival basada sus la paur. “Nos a vencuts en disent que nosautres èrem d’atèus, qu’avèm tuat de gents, que transformariam Colómbia en Veneçuèla. Tot aquò es messorga”. Petro anoncièt que seriá l’oposicion al govèrn de Duque e avertiguèt: “Uèch milions de colombians permetrem pas que manden tornarmai lo país a la guèrra”.



abonar los amics de Jornalet

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

La incultura del poble e lo capitalisme periodistic fan que pugan guanhar los partits de destra e d'extrema destra. Paures e beneits van pas enloc. Es pot ser paure, mas vius.

  • 2
  • 0

Escriu un comentari sus aqueste article