Actualitats
Talamoni se reünirà pas pus amb lo govèrn francés
Lo president de l’Assemblada de Corsega ditz que vòl pas far creire que i aja una negociacion qu'existís pas
Lo president del parlament còrs, l’independentista Jean-Guy Talamoni, anoncièt dimenge passat que quitava las negociacions amb lo govèrn francés, que l’acusa de mespresar las posicions còrsas. Talamoni deviá participar a una reunion a París amb lo primièr ministre francés Édouard Philippe, mas a ja assolidat que pensa pas d’i anar.
D'autre caire, lo president del Conselh Executiu de Corsega, lo sobeiranista Gilles Simeoni, a dich que consultarà los membres de son govèrn e los dos partits que lo sostenon per decidir s’es necite d’i anar o non.
Talamoni a publicat sus Twitter un letra al primièr ministre francés en li explicant que la majoritat còrsa es plan malcontenta del tractament recebut del govèrn francés, que, per aquela rason, el a refusat de recebre qualques ministres qu'an vesitat l'illa, e que ni mai vòl anar a París, per far pas creire que i aja una negociacion qu'existís pas. Pasmens, lo president de l’Assemblada de Corsega ditz al primièr ministre francés que son govèrn e lo parlament còrs son lèstes per negociar seriosament l'avenir de l'illa.
D'autre caire, lo president del Conselh Executiu de Corsega, lo sobeiranista Gilles Simeoni, a dich que consultarà los membres de son govèrn e los dos partits que lo sostenon per decidir s’es necite d’i anar o non.
Talamoni a publicat sus Twitter un letra al primièr ministre francés en li explicant que la majoritat còrsa es plan malcontenta del tractament recebut del govèrn francés, que, per aquela rason, el a refusat de recebre qualques ministres qu'an vesitat l'illa, e que ni mai vòl anar a París, per far pas creire que i aja una negociacion qu'existís pas. Pasmens, lo president de l’Assemblada de Corsega ditz al primièr ministre francés que son govèrn e lo parlament còrs son lèstes per negociar seriosament l'avenir de l'illa.
Invitation du Premier ministre à Matignon : je n’irai pas acquiescer à la politique du mépris pic.twitter.com/B2mGFJPCPr
— Jean-Guy Talamoni (@JeanGuyTalamoni) 24 de juny de 2018
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Article 21 dels Dreits Umans
1. Tota persona a lo dreit de participar a la direccion del afars publics de son país, siá dirèctament, siá per l'intermediairi de representants causits liurament.
2. Tota persona a dreit a accedir, dins de condicions d'egalitat, a las foncions publicas del sieu país.
3. La volontat del pòble es lo fondament de l'autoritat dels poders publics; aquela volontat se deu exprimir gràcias a d'eleccions vertadièiras que se tendràn periodicament, al sufragi universal egal amb lo vòte secret o un autre procediment equivalent que garentisca la libertat de vòte.
La Marconalha, coma los governaments que l'an precedida, trepejan llos dreits umans, sense vergonha. Lo ciutadan Talamoni a plan rason !
Malurosament lo mesprètz es pas una especialitat de Macron. Es una especialitat republicana francimanda.
A Plan rason Talamoni: n'i a pro de mesprètz e de mascaradas. E es pas solament pels còrses, occitans, bretons o autres: es una actitud generala dels macronistas. Un amic que presidís una asociación èra invitat amb d’autres responsables a una reünion al ministèri de la Santat a miègjorn manca un quart. Coneissent lo seriós de la macronia per l’aver ja experimentada, declinèt l’invitacion en lor disent: “E a miègjorn será l’ora de l’aperitiu, vertat? Per una reunión entre doas pòrtas, venèm pas”. Coma Talamoni, se pleguèron pas a la farsejada governamentala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari