Actualitats
Los Dragons se ganhan la plaça en Super-8
Demòra pas qu'una jornada de jogar dins las primièras fasas de Superliga e de Championship. Los Dragons son tornats de l'infèrn per participar al Super-8 en aquesta fin d'estiu. En Championship, Tolosa deurà ganhar dissabte per prene part a la pola de mon
Alan Roch
Superliga : solaç a Perpinhan
Aprèp las victòrias divendres d'Huddersfield a Castleford 32-18 e la de Leeds fàcia a Widnes (34-0) , ganhar deveniá imperatiu pels Dragons dissabte per assegurar a l'encòp lor plaça en Super-8 e tanben la preséncia en Superliga la sason venenta.
Greg Bird èra pas de la partida en rason de la naissença de sa segonda filha a 5 oras del vèspre, a l'ora de l'escalfament!
Fàcia a Salford, los avantdarrièrs, los catalans marquèron lèu dos ensages, los Diables Roges repliquèron: 12-4. Pendent un long temps, los Sang e Aur dominèron sens poder marcar mas capitèron de passar tres còps la rega blanca dins las darrièras dètz minutas del primièr temps per menar 28-4 a la pausa; la partida èra plegada. Los Dragons ajustèron tres ensages per ganhar 44-10. L'alièr Yaha ne marquèt la mitat: quatre. Damatge qu'en fin de sason se n'ane cò del SU Agen (de XV) .
Es l'esperit tranquil que los Dragons poiràn anar desfisar Wigan aqueste divendres de ser per la darrièra partida de la primièra fasa e preparar puèi, plan coma cal, la mièja finala de la Cup pel dimenge 5 agost a Bolton contra Saint Helens dins un estadi qu'aficha complet per reçaupre las doas mièjas finalas (Leeds-Warrington es l'autra aficha).
Saint Helens es mai que jamai cap de fila de la Superliga amb sa victòria 14-6 dijòus de ser a Wigan.
Jogaràn l'8 del Mitan amb los primièrs 4 del Championship : Hull KR, Salford e Widnes qu'an una cèrta experiéncia de l'espròva, e lo campion de 2017, Leeds, qu'èra ja passat per aquela espròva en 2016. Las sasons se seguisson e se semblan pas pels Rinocèros!
Championship: Tolosa jòga sa sason dissabte
Dimenge, Halifax e Tolosa disputèron una partida engatjada. A un quart d'ora de la fin, los tolosans prenián l'avantage 14-13, mas un ensag anglés los privava de la victòria (14-19) e de la certitud de jogar los 8 del Mitan en agost e setembre.
La marrida operacion de la dimenjada es per Featherstone batut sus sa pelena per Londres 14-7.
Fa de temps que Toronto es qualificat. A una jornada de la fin de la primièra fasa, lo club de Tolosa es segond amb 31 punts , coma Londres (3n) e Halifax (4n). Son seguits a un punt per Featherstone e Leigh. La victòria es doncas indispensabla als tolosans dissabte a Blanhac amb la recepcion de Dewsbury per se qualificar.
NRL: Melbourne cap de fila
Dins lo campionat australian , los Lapinons batuts pels Tigres 22-6, se fan ragantar e despassar per la primièra plaça per la Tempèsta de Melbourne (1a) que ganha a Auckland: 12-6, e pels Dragons de Sant Jòrdi Illawarra (segonds) que s'impausan cò dels Vaquièrs: 24-10.
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Aprèp las victòrias divendres d'Huddersfield a Castleford 32-18 e la de Leeds fàcia a Widnes (34-0) , ganhar deveniá imperatiu pels Dragons dissabte per assegurar a l'encòp lor plaça en Super-8 e tanben la preséncia en Superliga la sason venenta.
Greg Bird èra pas de la partida en rason de la naissença de sa segonda filha a 5 oras del vèspre, a l'ora de l'escalfament!
Fàcia a Salford, los avantdarrièrs, los catalans marquèron lèu dos ensages, los Diables Roges repliquèron: 12-4. Pendent un long temps, los Sang e Aur dominèron sens poder marcar mas capitèron de passar tres còps la rega blanca dins las darrièras dètz minutas del primièr temps per menar 28-4 a la pausa; la partida èra plegada. Los Dragons ajustèron tres ensages per ganhar 44-10. L'alièr Yaha ne marquèt la mitat: quatre. Damatge qu'en fin de sason se n'ane cò del SU Agen (de XV) .
Es l'esperit tranquil que los Dragons poiràn anar desfisar Wigan aqueste divendres de ser per la darrièra partida de la primièra fasa e preparar puèi, plan coma cal, la mièja finala de la Cup pel dimenge 5 agost a Bolton contra Saint Helens dins un estadi qu'aficha complet per reçaupre las doas mièjas finalas (Leeds-Warrington es l'autra aficha).
Saint Helens es mai que jamai cap de fila de la Superliga amb sa victòria 14-6 dijòus de ser a Wigan.
Jogaràn l'8 del Mitan amb los primièrs 4 del Championship : Hull KR, Salford e Widnes qu'an una cèrta experiéncia de l'espròva, e lo campion de 2017, Leeds, qu'èra ja passat per aquela espròva en 2016. Las sasons se seguisson e se semblan pas pels Rinocèros!
Championship: Tolosa jòga sa sason dissabte
Dimenge, Halifax e Tolosa disputèron una partida engatjada. A un quart d'ora de la fin, los tolosans prenián l'avantage 14-13, mas un ensag anglés los privava de la victòria (14-19) e de la certitud de jogar los 8 del Mitan en agost e setembre.
La marrida operacion de la dimenjada es per Featherstone batut sus sa pelena per Londres 14-7.
Fa de temps que Toronto es qualificat. A una jornada de la fin de la primièra fasa, lo club de Tolosa es segond amb 31 punts , coma Londres (3n) e Halifax (4n). Son seguits a un punt per Featherstone e Leigh. La victòria es doncas indispensabla als tolosans dissabte a Blanhac amb la recepcion de Dewsbury per se qualificar.
NRL: Melbourne cap de fila
Dins lo campionat australian , los Lapinons batuts pels Tigres 22-6, se fan ragantar e despassar per la primièra plaça per la Tempèsta de Melbourne (1a) que ganha a Auckland: 12-6, e pels Dragons de Sant Jòrdi Illawarra (segonds) que s'impausan cò dels Vaquièrs: 24-10.
<br /><br /><a href="https://www.jornalet.com/socis" target="blank"><img alt="abonar los amics de Jornalet" id="Abonar los amics de Jornalet" src="https://www.jornalet.com/imatges/images/SOCI.jpg" /></a>
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Sempre amb la senhera, la dels Comtes de Barcelona e abans de Carlemanh, la romana.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari