Actualitats
La Corèa del Nòrd a assabentat l’ÒNU de la suspension totala de las convèrsas amb los Estats Units sul programa nuclear
Lo president dels Estats Units, Donald Trump, e son omològ nòrd-corean, Gim Jeongeun (Kim Jong-un), se son reünits tres còps sens brica avançar dins aquel sens
L’ambaissador de la Corèa del Nòrd a l’ÒNU a informat que son país discutirà pas pus amb los Estats Units sus la possibilitat de suspendre lo programa nuclear. E mai a apondut que quina convèrsa addicionala que siá dins aquel sens es totalament superflua.
“Lo dialòg constant e substancial que perseguissián los Estats Units èra pas mai qu’un truc per ganhar de temps amb la vista sus son calendièr politic domestic”, çò a dich l’ambaissador segon Reuters.
En mai d’aquò a precisat: “Devèm pas manténer de nòvas convèrsas amb los Estats Units. La desnuclearizacion es ja fòra de la taula de negociacions’”. Lo president dels Estats Units, Donald Trump, e son omològ nòrd-corean, Gim Jeongeun (Kim Jong-un), se son reünits tres còps sens ges avançar dins aquel sens.
Trump a assegurat qu’el a l’intencion de perseverar, e mai aja agut fòrça criticat Gim Jeongeun per sos ensages amb de fusadas de longa portada. De son caire, lo govèrn nòrd-corean a sollicitat de Trump que s’abstenga d’avertiments e de “metafòras” car representan “una provocacion fòrça perilhosa”.
Sembla que los darrièrs repòrts de manòbras militaras entre la Corèa del Sud e los Estats Units, que Corèa del Nòrd interpretava coma una menaça contra sa seguretat, an pas reüssit a apasimar las tensions.
“Lo dialòg constant e substancial que perseguissián los Estats Units èra pas mai qu’un truc per ganhar de temps amb la vista sus son calendièr politic domestic”, çò a dich l’ambaissador segon Reuters.
En mai d’aquò a precisat: “Devèm pas manténer de nòvas convèrsas amb los Estats Units. La desnuclearizacion es ja fòra de la taula de negociacions’”. Lo president dels Estats Units, Donald Trump, e son omològ nòrd-corean, Gim Jeongeun (Kim Jong-un), se son reünits tres còps sens ges avançar dins aquel sens.
Trump a assegurat qu’el a l’intencion de perseverar, e mai aja agut fòrça criticat Gim Jeongeun per sos ensages amb de fusadas de longa portada. De son caire, lo govèrn nòrd-corean a sollicitat de Trump que s’abstenga d’avertiments e de “metafòras” car representan “una provocacion fòrça perilhosa”.
Sembla que los darrièrs repòrts de manòbras militaras entre la Corèa del Sud e los Estats Units, que Corèa del Nòrd interpretava coma una menaça contra sa seguretat, an pas reüssit a apasimar las tensions.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Cossí imaginar una conversacion entre dos arlèris ? Un psicopat qu'o vòl contrarotlar tot, e un mariòl dessenat que se crei lo rei de mond…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari