CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Divendres, 15 de març de 2019, 03h00 Escòla,Politica,Societat

Calhavari a Tarba tà l’ensenhament de l’occitan

Un cinquantenat de manifestants amassats davant l’Inspeccion d’Acadèmia tà denonciar la liquidacion de l’occitan


Comentaris 18 comentaris    
Marrit Flac Bon Plan bon Fabulós (5 vòtes)
carregant En cargar


Que’s debanèc a Tarba lo 13 de març, de 14h a 15h30, ua mobilizacion convocada per los Centres Regionaus deus Ensenhaires d’Occitan de Tolosa e deus Hauts Pirenèus (CRÈO Tolosa e CRÈO 65). Los manifestants que volèvan amuishar que dens lo departament i a clarament ua politica contra l’ensenhament de la lenga d’òc. Que’ns baishan l’auhèrta d’un quarantenat d’òras en comparar 2018 a 2019. Que i avoc un cinquantenat de personas dab ua bona proporcion de professors deu país, dont la navèra presidenta deu CRÈO 65, Maria-Laura Moliar. Qu’èran presents tanben quauques professors de Gasconha e Lengadòc.
 
De notar la bona preséncia de la premsa coma La Dépêche, France 3, Ràdio País… La protestacion estoc ua escaduda en arribar a mobilizar drin de monde davant l’Inspeccion Academica de Tarba, devath las marçoladas. De notar que nada delegacion n’estoc pas arrecebuda. Cançons coma L’Immortèla o La sobirana qu’alternavan damb los calhavaris.
 
Lo CRÈO de l’acadèmia de Tolosa que’s va amassar tà definir ua navèra estrategia tà har demorar la mobilizacion en tot sajar de resòlver lo problèma abans l’estiu. La rectora de Tolosa que ditz tostemps que n’i a pas de baishadas deus cors d’occitan dens l’acadèmia quan las remontadas deus collègas disen lo contrari.
 
Enfin, que i aurà ua mobilizacion deus professors d’occitan entà deféner l’ensenhament de l’occitan en Provença, a Ais, a partir de 14h, sus la Plaça Lucian Payé, lo dimècres 20 de març.
 
 
 
 
Nicolau Rei Bèthvéder

 
 
 


 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

17 de març 21.32h

#17

Alavetz me sembla que cal èsser clar.
Dintrada en vigor lo 1er de mars de 1998 la carta europenca de las lengas regionalas o minoritaris es una iniciativa del conselh de l’europa.

Lo conselh de l’europa es una institucion inter governamentale creada en 1949. Lo conselh de l’europa FA PAS PARTIDA DE l’U.E son amira es d’aparar los drechs de l’òme, las riquessas las diversitats culturalas dins los 47 país que ne fan partida, demest aquestes 47 país 28 son membres de l’U... Legir mai


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

17 de març 18.57h

Que soi espantat de véder occitanistas que desiran lo Frexit entà sauvar l'occitan. Los sobirainistas francés que son tostemps estat opausats a la reconéishencia de la nosta lenga e de la nosta cultura. Demandatz-los la loa opinion sus la ratification de la carta de las lengas minorizadas (tè, ua invencion de la "maishanta" Euròpa).

Solide, la construccion europèa qu'ei ua creacion de la CIA. N'i a pas qu'a véder quin lo Donald Trump e pisha sus l'UE:
https://www.bfmtv.com/internatio... Legir mai


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

17 de març 09.27h

#15

Efetivament se pòt pausar la question, mas saria puslèu laS questionS.

Vertat en set sègles avèm pas poscut, avèm pas sabut, avèm pas agantat l’escasença, avèm pas agut de vision de nosaus meteis coma pòble dins londanhs esvenidors.

Segur frança nos adujec pas, perqué o auria fach ? perqué un país que nos conquistec nos adujaria a tornar prener vam , a nos recampar per far país país e contunhar de parlar nòstra lenga.
Cal pas demandar al diable de beure d’aiga ben... Legir mai


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

16 de març 19.05h

#8 Propausas d'anar far un viatge a lordas ? Nos podem tanlan pausar la question : perqué Los Occitans son a tal punt dessensibilizats ? Qu'a fait la França, en uèit putanièrs de sègles d'alienacion de nosautres a l'autoritat parisiana per nos dessensibilizar aital ? Ja qu'es per tot aquò que damoram estabosits, a badar la saca !

Los occitans an acceptat de morir linguisticament e de morir coma pòble, estant que jamai non an pas agut cap autra alternativa. Aital s'acaba sempre l'istòr... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

16 de març 14.00h

Occitània Triomfant ! Encara un esforçèt, ah, ah, ah !


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

15 de març 23.16h

La França lo país mai contrati a las lengas regionalas de tota Europa e de quasi tot lo mond. Mai contrari que los governants faixistas de la França ocupada dels nazi. Fora faixistas franceses de la cultura e de la lenga nostro.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de març 17.41h



#10
Osca per contunhar de manifestar de debatre, a mon escala pichona ensatji de far çò meteis, ensatji de convencer e me disi que tu tanben… atal la solessa s’enfugís un momenton…

Me disi tanben : de que vòlon entendre lo mond, perçòqué lor cal diser çò qu’an envetja d’ausir, atal comença una mena de dialòg, los a amigalhat per una estona e se comença de dintrar dins l’argumentacion e se los arguments passan pas, me disi que cal melhorar los arguments, benlèu los ... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de març 16.44h

#10
E ben escota per avançar, i trabalhas segurament desempuèi plan mai de temps que iò,as degut te trachar que i a pas de drògas miracles... e vèsi pas perqué voldrias que n'aguessi dins lo saqueton..

Me disi solament qu'es probable qu'avem mancat quicòm, e es a nosaus de trobar çò qu'avem mancat.

Segurament que la CIA es darrèr plan causas, per las causas que disetz n'en sabi pas ren.

Per la construccion europenca las archivas de la tour Hoover dison atal :

American Committ... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

15 de març 16.13h

#8 Anar a Lordas! O podiás pas dire abans, per un còp qu'èri pas luènh, de Tarba estant me demorava pas gaire camin!
Nos podèm pausar de questions, efectivament.
Personalament me'n pausi, e coma tròbi " qu'avèm pas fach miranda e tot e tot" e que ai pas "acceptat de morir linguisticament e de morir coma pòble" contunhi de manifestar, escriure, debatre.
A prepaus de debat, podètz pensar çò que volètz de l'UE e d'autras causas (quitament que la CIA es darrièr la PAC, Shengen, lo Brex... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

15 de març 15.59h

Elle est où la vision, elle est oùùùùùùùùù ?


Valoriza aqueste comentari:   votar positiu 4   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 28
  • sol Aush 27
  • sol Bordèu 26
  • sol Briançon 21
  • sol Caors 27
  • sol Carcassona 20
  • sol Clarmont-Ferrand 28
  • sol Confolent 23
  • sol Gap 21
  • sol La Canau 24
  • sol La Gàrdia 27
  • sol Limòtges 27
  • sol Lo Borg Sant Dalmatz 19
  • sol Lo Puèi de Velai 23
  • sol Marselha 18
  • sol Montpelhièr 19
  • sol Naut Aran 22
  • sol Niça 22
  • sol Nimes 19
  • sol Pau 26
  • sol Peireguers 27
  • sol Rodés 27
  • sol Tolon 28
  • sol Tolosa 26
  • sol Valença 24

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Alejandro Benito Rusiñol

    Concors de preseps, betlèms o grépias

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Catalonha etèrna

  • © Laurenç Revèst

    Via de Buelh a Pèunas a Valberg fins a Sant Laugier

  • © Laurenç Revèst

    Lengue a Mentan

  • Sant Joan de Toran. Carrèr. © Xavi Gutiérrez Riu

    Val de Toran (Aran)

  • © Franc Bardòu

    Catalonha etèrna

  • Lei ventres mòls s'estrifèron sus l'aspretat blava

    Meissonencas en Camarga pichòta

  • © Zep Armentano

    XI prèmis Gaudí de l'Acadèmia Catalana del Cinèma

  • © Laurenç Revèst

    Vista de Nimes, lengadociana per l'istòria, provençala per lo dialècte

  • 32n rescontre occitanocatalan al pòrt de Salau

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • Breç lo pugetan (Lo Puget de Tiniá)

    Concors de preseps, betlèms o grépias

  • Val de Toran tunèl natural. © Xavi Gutiérrez Riu

    Val d'Aran

  • © Franc Bardòu

    Catalonha etèrna

  • © Laurenç Revèst

    Via de Buelh a Pèunas a Valberg fins a Sant Laugier

  • © Aure Séguier

    Carnaval Biarnés 2017

  • La Primada de Montsegur, 17 de març 2012

    Primada de Montsegur, 17 de de març 2012

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)