Actualitats
Aran: an luòc uèi d’examens d'accès a l'universitat que pòdon èsser en occitan
Es lo primièr còp que las espròvas se fan en Aran, es lo segond an que se prepausa d'enonciats en occitan
Se tenon uèi las espròvas d'accès a l'universitat en Catalonha. Pel primièr còp se fan tanben en Aran, en consequéncia de qué los estudiants araneses deuràn pas quitar lo país. A mai, ongan es lo segond còp que los estudiants araneses an a lor disposicion en occitan aranés los enonciats de l'espròva d'istòria.
Dempuèi l'an passat, e gràcias a un acòrdi entre la Generalitat de Catalonha, lo Conselh General d’Aran e l’Universitat de Lhèida, los enonciats de qualques espròvas son en occitan e se garentís una correccion en condicions volgudas. Inicialament, per las espròvas preüniversitàrias d’uèi, se prepausa en aranés los enonciats de l’examen d’istòria, matèria obligatòria per totes los escolans. Dins los ans avenidors s’incorporarà los enonciats dels examens de las autras matèrias.
Lo Conselh General d’Aran s'es encargat de la version dels enonciats en lenga occitana en engatjant de traductors qu'an seguit un protocòl de confidencialitat. La Generalitat de Catalonha a pres en carga los còstes d’edicion e d’impression dels enonciats dels examens. De son caire, l’Universitat de Lhèida s’encarga de fornir los mecanismes de besonh per que las correccions dels examens sián fachas en egalitat de condicions amb los que presentaràn lors examens en las autras lengas oficialas.
Malgrat que l'occitan siá oficial al Principat de Catalonha dempuèi 2006, es sonque a partir de l'an passat que las administracions comencèron de trabalhar per garentir los dreches lingüistics dels candidats occitanofòns. Dins aquel sens cal mençonar l’estudianta aranesa Lourdes Bruna, qu’en 2017 respondèt pel primièr còp a dos examens preüniversitaris en aranés, après o demandar pr’amor de l’oficialitat de la lenga.
Dempuèi l'an passat, e gràcias a un acòrdi entre la Generalitat de Catalonha, lo Conselh General d’Aran e l’Universitat de Lhèida, los enonciats de qualques espròvas son en occitan e se garentís una correccion en condicions volgudas. Inicialament, per las espròvas preüniversitàrias d’uèi, se prepausa en aranés los enonciats de l’examen d’istòria, matèria obligatòria per totes los escolans. Dins los ans avenidors s’incorporarà los enonciats dels examens de las autras matèrias.
Lo Conselh General d’Aran s'es encargat de la version dels enonciats en lenga occitana en engatjant de traductors qu'an seguit un protocòl de confidencialitat. La Generalitat de Catalonha a pres en carga los còstes d’edicion e d’impression dels enonciats dels examens. De son caire, l’Universitat de Lhèida s’encarga de fornir los mecanismes de besonh per que las correccions dels examens sián fachas en egalitat de condicions amb los que presentaràn lors examens en las autras lengas oficialas.
Malgrat que l'occitan siá oficial al Principat de Catalonha dempuèi 2006, es sonque a partir de l'an passat que las administracions comencèron de trabalhar per garentir los dreches lingüistics dels candidats occitanofòns. Dins aquel sens cal mençonar l’estudianta aranesa Lourdes Bruna, qu’en 2017 respondèt pel primièr còp a dos examens preüniversitaris en aranés, après o demandar pr’amor de l’oficialitat de la lenga.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari