Bandièra01 1180x150: Comuna de Tolosa

Actualitats

EnvironamentInternacionalPoliticaSocietat

Angela Merkel s’es reünida amb Greta Thunberg e d’autres joves environamentalistas

Los activistas an remes a la cancelièra una letra dobèrta signada per mai de 120 0000 personas que demandan que l’Union Europèa agisca contra l’escalfament planetari

La cancelièra alemanda, Angela Merkel, recebèt dijòus passat a Berlin una delegacion d’activistas pel clima, dont Greta Thunberg. La reünion coincidiguèt amb lo segond anniversari de la lucha que l'entamenèt la jove suedesa tota sola e que capitèt a engatjar de milièrs de joves de tot lo Mond.
 
Thunberg l’acompanhavan l'alemanda Luisa Neubauer e las bèlgas Anuna de Wever e Adélaïde Charliér que remetèron a la cancelièra una letra dobèrta signada per mai de 120 000 personas que demandan qu’Alemanha agisca contra lo calfament planetari. La tòca de las activistas es de quichar lo país president de l’Union Europèa, qu’ara és Alemanha fins en decembre. La reünion se tenguèt pendent una ora e mièja. Las joves activistas demandèron a Merkel que l’Union Europèa arrestèsse totas las extraccions de carbon, petròli e gas.
 
Lo pòrtavotz del govèrn alemand, Steffen Seibert, a dich dins un comunicat que la cancelièra e las militantas èran d’acòrdi que “l’escalfament es un enjòc global e que, per lo superar, los estats industrializats an una responsabilitat particulara”. De son latz, Thunberg a descrich Merkel coma una persona simpatica e capabla de menar a bon tèrme la lucha contra lo cambiament climatic: “A una granda responsabilitat, mas tanben una granda oportunitat de venir lo dirigent que nos cal”.
 
 
Dos ans de lucha per la planeta
 
Greta Thunberg entamenèt fa dos ans una tièra de protèstas cada divendres davant lo parlament suedés, amb la tòca que los dirigents mondials escotèsson las proposicions dels joves fàcia a l’escalfament climatic. Puèi, d’adolescents d’autres païses coma Belgica, Àustria, Alemanha o lo Reialme Unit comencèron d’o far tanben. Après, interrompèt sos estudis per prene un an sabatic e participèt a las reünion pel clima a Nòva York e a una cima sus l’urgéncia climatica a Madrid. A Nòva York, diguèt als caps mondials: “Se decidissètz de vos mancar envèrs nosautres, o vos perdonarem pas jamai”. A Madrid, a mai, soslinhèt lo ròtle fondamental de las comunautats indigènas de la planeta per combatre l’escalfament mondial.
 
 
 
 
 
abonar los amics de Jornalet
 
 

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Maelstrom
4.

#3 Avètz oblidat lo Papioli dins la lista dels negacionistas.

  • 9
  • 1
ltrobat
3.

Çò de mei amusant qu'ei d'imaginar lo Michel Onfray, lo Éric Zemmour e tota la clica deus sobirainistas en trin de repotegar sus la collusion deus ecologistas e de "l'État maastrichien" (com at ditz lo famós filosòfe qui se'n cred un drin de tròp).

  • 11
  • 1
Papioli
2.

L'òm vei aqui tota la perversitat e l'ambiguitat d'Angela MERKEL. Quò fai mai de dietz ans qu'es au poder e qu'a fach per l'ecologia, per endigar la famina , la degradacion de la natura, la guerra?
Son governament a participat a las decisions de l'union Europennas e de l'ONU e l'òm a pas vist de resultats concrets.

Las activitats umanas son pas responsables de l'eschaurament climatica. Tot es fach per culpabilisar los pòples, per lòr far avalar una politica qu'enrichit una ponhada de riches. L'òm arrieba a la fin d'un cicle solari de plusors decenias.

L'òm nos presenta lo devlopament de la 5G (ondes electromagnéticas per nòstres sistems de communicacion) coma una avançada tecnologica mas l'òm nos dich pas que quò es dangieros per la vista. L'onde 5G detruit l'uman mas tanben los animaus e los auseus. Quò es aquò que nos fai batit un sitem de satelite tot alentorna de la planeta (60 000)? per envoiat sur la terra una onda meurtriera.?
D'alhors l'amassada Regionala de Còrse a damandat un moratori sur lo developpement d'aquel tecnica e tan ben d'autras vilas.

Lo coronavirus es mas una gripa e a pas la capacitat de tuar lo monde. Quò es per aquò qu'en lo coplan emben la 5G l'òm pòd acusar lo covid 19 de tuar o de laissar de las sequellas ireversibles e donc reclamar un vacin ( un vacin que tòca directament l'ADN?) I a de que soquar. L'òm crama lo còrps m,,èort e avem pus la possibilitat de far una autopsia.

A MACRON ,la campanha per lo vaccin. A Merkel la campanha contre l'eschaurament climatic.

  • 1
  • 14
Papioli
1.

L'òm vei aqui tota la perversitat e l'ambiguitat d'Angela MERKEL. Quò fai mai de dietz ans qu'es au poder e qu'a fach per l'ecologia, per endigar la famina , la degradacion de la natura, la guerra?
Son governament a participat a las decisions de l'union Europennas e de l'ONU e l'òm a pas vist de resultats concrets.

Las activitats umanas son pas responsables de l'eschaurament climatica. Tot es fach per culpabilisar los pòples, per lòr far avalar una politica qu'enrichit una ponhada de riches. L'òm arrieba a la fin d'un cicle solari de plusors decenias.

L'òm nos presenta lo devlopament de la 5G (ondes electromagnéticas per nòstres sistems de communicacion) coma una avançada tecnologica mas l'òm nos dich pas que quò es dangieros per la vista. L'onde 5G detruit l'uman mas tanben los animaus e los auseus. Quò es aquò que nos fai batit un sitem de satelite tot alentorna de la planeta (60 000)? per envoiat sur la terra una onda meurtriera.?
D'alhors l'amassada Regionala de Còrse a damandat un moratori sur lo developpement d'aquel tecnica e tan ben d'autras vilas.

Lo coronavirus es mas una gripa e a pas la capacitat de tuar lo monde. Quò es per aquò qu'en lo coplan emben la 5G l'òm pòd acusar lo covid 19 de tuar o de laissar de las sequellas ireversibles e donc reclamar un vacin ( un vacin que tòca directament l'ADN?) I a de que soquar. L'òm crama lo còrps m,,èort e avem pus la possibilitat de far una autopsia.

A MACRON ,la campanha per lo vaccin. A Merkel la campanha contre l'eschaurament climatic.

  • 1
  • 17

Escriu un comentari sus aqueste article