Actualitats
Nigèria: almens 110 personas mòrtas dins un atac jihadista
D’òmes armats que circulavan en mòto an brutalament agarrits los òmes e las femnas que trabalhavan dins los camps de ris
Almens 110 personas mòrtas, la majoritat de païsans, es lo bilanç de l’atemptat terrorista que l’a patit lo nòrd-oèst de Nigèria, a unes dètz quilomètres al nòrd de la vila de Maiduguri, capitala de l’estat de Borno.D’òmes armats que circulavan en mòto an brutalament agarrits los òmes e las femnas que trabalhavan dins los camps de ris, en los fusilhant. Qualques unes los an escotelats e quitament decapitats. S’agís de l’ataca pus mortifèra que la patís ongan Nigèria, après lo chaple de 22 païsans escotelats lo mes passat dins una accion similara.
Degun a pas revendicat lo crime, mas tot sembla una òbra del grop jihadista Boko Haram o de sa scission Estat Islamic en Africa Occidentala. Los païsans e los boscatièrs de la region son venguts una buta d’aquelas organizacions insurgentas, car aquestas los acusan de donar d’informacions als militars o quitament de pagar pas “l’impòst” que los jihadistas lor reclaman.
30000 assassinats dins los darrièrs dètz ans
Boko Haram es fòrça actiu en aquela region nigeriana ont foguèt fondat en 2002. Dins los darrièrs dètz ans aquel grop armat a assassinat 30000 personas. Ten qualques milièrs de milicians que semenan la terror dins l’estat federal de Nigèria e tanben en Cameron, Nigèr e Chad. Combaton l’administracion nigeriana, tant l’armada coma las escòlas e las universitats amb la tòca d’impausar una dictadura integrista religiosa basada sus l’islam pus radical.
Boko Haram vòl dire en lenga hausa “l’educacion occidentala es un pecat”. Per illustrar aquel nom, en 2014 sequestrèt dins d’òrras condicions 237 liceanas de Chibok, çò qu’esmoguèt la comunautat internacionala. Boko Haram anoncièt un acòrdi de liberacion per dire, fin finala, que las joventas èran estadas maridadas e convertidas a l’islam. Una liceana qu’aviá capitat a fugir contèt que sas camaradas èran violadas e que devián acceptar de se far musulmanas se volián pas èsser escoteladas.
Nigèria es lo país mai poblat d’Africa(a l’entorn de 170 milions d’estatjants). Produtz de petròli que solament ne benefícia un quart de la populacion. Lo país patís de problèmas de corrupcion e de fugida dels capitals qu’aumentan las tensions etnicoreligiosas.
Dins lo nòrd de Nigèria, de majoritat musulmana —los crestians son majoritaris dins lo sud—, la sècta Boko Haram, qu'assagèt una insurreccion dins los estats del nòrd en 2009, s’illustra tristament per de mesfaches sovent qualificats de crimes contra l’umanitat: destruccion de glèisas o de vilatges, atemptats contra d’estacions de trens o d’ostalariás, chaples de populacions, en particular crestianas, minoritàrias dins l’airal.
Degun a pas revendicat lo crime, mas tot sembla una òbra del grop jihadista Boko Haram o de sa scission Estat Islamic en Africa Occidentala. Los païsans e los boscatièrs de la region son venguts una buta d’aquelas organizacions insurgentas, car aquestas los acusan de donar d’informacions als militars o quitament de pagar pas “l’impòst” que los jihadistas lor reclaman.
30000 assassinats dins los darrièrs dètz ans
Boko Haram es fòrça actiu en aquela region nigeriana ont foguèt fondat en 2002. Dins los darrièrs dètz ans aquel grop armat a assassinat 30000 personas. Ten qualques milièrs de milicians que semenan la terror dins l’estat federal de Nigèria e tanben en Cameron, Nigèr e Chad. Combaton l’administracion nigeriana, tant l’armada coma las escòlas e las universitats amb la tòca d’impausar una dictadura integrista religiosa basada sus l’islam pus radical.
Boko Haram vòl dire en lenga hausa “l’educacion occidentala es un pecat”. Per illustrar aquel nom, en 2014 sequestrèt dins d’òrras condicions 237 liceanas de Chibok, çò qu’esmoguèt la comunautat internacionala. Boko Haram anoncièt un acòrdi de liberacion per dire, fin finala, que las joventas èran estadas maridadas e convertidas a l’islam. Una liceana qu’aviá capitat a fugir contèt que sas camaradas èran violadas e que devián acceptar de se far musulmanas se volián pas èsser escoteladas.
Nigèria es lo país mai poblat d’Africa(a l’entorn de 170 milions d’estatjants). Produtz de petròli que solament ne benefícia un quart de la populacion. Lo país patís de problèmas de corrupcion e de fugida dels capitals qu’aumentan las tensions etnicoreligiosas.
Dins lo nòrd de Nigèria, de majoritat musulmana —los crestians son majoritaris dins lo sud—, la sècta Boko Haram, qu'assagèt una insurreccion dins los estats del nòrd en 2009, s’illustra tristament per de mesfaches sovent qualificats de crimes contra l’umanitat: destruccion de glèisas o de vilatges, atemptats contra d’estacions de trens o d’ostalariás, chaples de populacions, en particular crestianas, minoritàrias dins l’airal.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los ilheputas son atal, una cola d'ignorants morts de fam que s'aferran a un clau calent per un rosegon de pan. Cagondena !
#1
Presonièra musulmana francesa. Ai oblidat de precisar.
E probable que demest los djiadistas se trapavan quelques uns dels desenats que Macron faguèt liberar per recuperar la "presonièra" musulmana un mes a.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari