Bandièra01 1180x150: Comuna de Tolosa

Actualitats

Presonièrs politics catalans: lo ministèri public espanhòl ne demanda tornarmai l’embarrament total

La demanda arriba a l’endeman de la victòria istorica de l’independentisme a las eleccions de Catalonha e Aran

| Òmnium Cultural
Lo ministèri public espanhòl a tornarmai demandat a la Cort Suprèma espanhòla que los presonièrs politics catalans tornèsson dins lo regim d’embarrament total. Dempuèi lo començament de febrièr, los presonièrs politics beneficiavan del dich “tresen gra”, çò es d’un regim penitenciari dobèrt, dins lo qual anavan dormir en preson del diluns al dijòus. La demanda del ministèri public arriba a l’endeman de la victòria istorica de l’independentisme a las eleccions al Parlament de Catalonha e Aran, amb 74 deputats sus 135 e lo 51% dels vòtes. 
 
E mai las autoritats penitenciàrias considèren que los presonièrs politics catalans an aquel drech, se pòt passar la meteissa causa qu’a la fin de julhet pels presonièrs òmes e qu’en decembre per las femnas; la Cort Suprèma espanhòla, que los jutgèt e condemnèt, s’atribuiguèt alara un poder qu’aviá pas ela per metre fin al tresen gra. Coma pels autres còps, las rasons per lor refusar aquel drech son que los presonièrs politics an pas demostrat “un pentiment e una reeducacion”.









 
 
 


abonar los amics de Jornalet

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

L'Estat del mond ont i a mai presos politics ,mai que en China e en Iranc. Borrell què sabes pas en quin estat te trobes, pardal ?

  • 6
  • 0
Pitaluga
1.

Encara una pròva qu'Espanha respècta los dreches de l'òme.
Lo resultat de las eleccions agrada pas a Madrid ? Las persecucions redoblan.
En mai d'aquò an arrestat Pablo Hasel per aver cantat quatre vertats sul Rei. E coma el n'i a un fum d'autres (mai de 150) que son en preson jos d'acusacions que per elas quitament en França i serián pas.

  • 7
  • 0

Escriu un comentari sus aqueste article