Actualitats
Lo Conselh d’Euròpa repròcha a Espanha “las creissentas encarceracions” d’artistas
Dunja Mijatović demanda al govèrn espanhòl de reformar las leis suls delictes en relacion amb la libertat d’expression
Lo Conselh d’Euròpa a reprochat a l’estat espanhòl “las creissentas encarceracions” d’artistas. Dins una letra mandada l’11 de març, la comissària dels dreches umans Dunja Mijatović demanda al govèrn espanhòl de reformar las leis suls delictes restacats a la libertat d’expression, e d'abusar pas de las denóncias dels delictes d’enaurament del terrorisme, d'ofensas religiosas, de discors d’òdi e difamacion o d'injúrias al rei que pòrtan de puniments “innecessaris o desproporcionats”.
A mai, dins sa letra, Mijatović critica tanben que los jutges espanhòls interprèten d’un biais “abstracte” l'intencion dels acusats, sens prene en compte lo contèxt, e contra la jurisprudéncia de la Cort Europèa dels Dreches Umans: “La legislacion antiterrorista se pòt solament aplicar al contengut o a las activitats qu'impliquen dirèctament l’usatge o la menaça de la violéncia amb l'intencion de propagar la paur e provocar la terror”, çò precisa en reprochant a Espanha “un marrit usatge” de las legislacions que pòrtan de restriccions de la libertat d’expression “desproporcionadas”.
L’estat espanhòl es lo qu’a mai d’artistas empresonats
L’estat espanhòl es lo qu’a mai d’artistas embarrats en preson, segon las donadas de 2019 que publiquèt l’an passat Freemuse, una organizacion internacionala que defend lo drech de liura expression artistica. Espanha es en tèsta del classament amb 14 artistas encarcerats, seguida d’Iran amb 13, de Turquia amb 9 e de Birmania amb 8. Freemuse analisèt 700 cases de tot lo Mond e identifiquèt un total de 71 artistas empresonats, la majoritat per “aver criticat lo govèrn”. Ça que la, per Freemuse, Espanha fa pas partida dels païses que mancan mai a la libertat d’expression, mas si França, los Estats Units e Turquia.
Marrit usatge de las leis antiterroristas
Dins son rapòrt, Freemuse explica que los artistas encarcerats dins l’estat espanhòl i son per “un marrit usatge de las leis antiterroristas”, e denóncia de “definicions ambigüas del terrorisme” que permeton a Espanha e a Turquia d’enseguir d’artistas.
Justament, Hasél lo jutgèron en març de 2014 a l’Audiéncia Nacionala espanhòla, un tribunal d’excepcion que pertòca sustot los delictes en relacion amb lo terrorisme. Aquel tribunal lo condemnèt a dos ans de preson per “aver enaurat lo terrorisme” dins las paraulas de sas cançons.
A aquel moment, Hasél diguèt als jutges: “Mas idèas son mas idèas. Soi comunista. Ieu ai parlat de lucha armada coma o faguèron Che Guevara e Marx e pr’aquò enebisson pas lors libres”.
A mai, lor faguèt remarcar qu’una partida de l’acusacion èra falsa, perque l’acusavan de defendre Al Qaida, un movement que sosten pas, “perque es una organizacion anticomunista e qu’assassina fòrça innocents”, çò diguèt.
A mai, dins sa letra, Mijatović critica tanben que los jutges espanhòls interprèten d’un biais “abstracte” l'intencion dels acusats, sens prene en compte lo contèxt, e contra la jurisprudéncia de la Cort Europèa dels Dreches Umans: “La legislacion antiterrorista se pòt solament aplicar al contengut o a las activitats qu'impliquen dirèctament l’usatge o la menaça de la violéncia amb l'intencion de propagar la paur e provocar la terror”, çò precisa en reprochant a Espanha “un marrit usatge” de las legislacions que pòrtan de restriccions de la libertat d’expression “desproporcionadas”.
L’estat espanhòl es lo qu’a mai d’artistas empresonats
L’estat espanhòl es lo qu’a mai d’artistas embarrats en preson, segon las donadas de 2019 que publiquèt l’an passat Freemuse, una organizacion internacionala que defend lo drech de liura expression artistica. Espanha es en tèsta del classament amb 14 artistas encarcerats, seguida d’Iran amb 13, de Turquia amb 9 e de Birmania amb 8. Freemuse analisèt 700 cases de tot lo Mond e identifiquèt un total de 71 artistas empresonats, la majoritat per “aver criticat lo govèrn”. Ça que la, per Freemuse, Espanha fa pas partida dels païses que mancan mai a la libertat d’expression, mas si França, los Estats Units e Turquia.
Marrit usatge de las leis antiterroristas
Dins son rapòrt, Freemuse explica que los artistas encarcerats dins l’estat espanhòl i son per “un marrit usatge de las leis antiterroristas”, e denóncia de “definicions ambigüas del terrorisme” que permeton a Espanha e a Turquia d’enseguir d’artistas.
Justament, Hasél lo jutgèron en març de 2014 a l’Audiéncia Nacionala espanhòla, un tribunal d’excepcion que pertòca sustot los delictes en relacion amb lo terrorisme. Aquel tribunal lo condemnèt a dos ans de preson per “aver enaurat lo terrorisme” dins las paraulas de sas cançons.
A aquel moment, Hasél diguèt als jutges: “Mas idèas son mas idèas. Soi comunista. Ieu ai parlat de lucha armada coma o faguèron Che Guevara e Marx e pr’aquò enebisson pas lors libres”.
A mai, lor faguèt remarcar qu’una partida de l’acusacion èra falsa, perque l’acusavan de defendre Al Qaida, un movement que sosten pas, “perque es una organizacion anticomunista e qu’assassina fòrça innocents”, çò diguèt.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari