Bandièra01 capçalera  1180x150: Novestivada

Actualitats

Birmania: lo govèrn putschista anóncia la liberacion de 5636 detenguts

La premsa locala anóncia qu’almens serián liberats 24 artistas e 10 figuras publicas, que los avián acusats de sedicion las autoritats putschistas

Lo cap putshista de Birmania, lo militar Min Aung Hlaing, anoncièt diluns passat la liberacion de 5636 detenguts e lo retirament de las acusacions contra eles
Lo cap putshista de Birmania, lo militar Min Aung Hlaing, anoncièt diluns passat la liberacion de 5636 detenguts e lo retirament de las acusacions contra eles | Reuters

Tèxte legit

Lo cap putshista de Birmania, lo militar Min Aung Hlaing, anoncièt diluns passat la liberacion de 5636 detenguts e lo retirament de las acusacions contra eles. Èran embarrats dempuèi las protèstas contra lo còp d’estat del 1r de febrièr passat. La mesura s’es anonciada a l’ocasion de la fèsta de Thadingyut.
 
Lo comunicat oficial a pas anonciat qual serián los presonièrs liberats, e sabèm pas, doncas, se sortiràn de preson Aung San Suu Kyi e d’autres dirigents del partit qu’èra al govèrn abans lo putch. Segon la premsa local, almens serián liberats 24 artistas e 10 figuras publicas, que los avián acusats de sedicion las autoritats putschistas.
 
Durant l’anóncia, Min Aung Hlaing justifiquèt lo còp d’estat e la detencion d’Aung San Suu Kyi per una frauda presumida comesa per son partit, la Liga Nacionala per la Democracia (LND), pendent las eleccions de novembre de 2020, que ganhèt amplament.
 
 

 
 


 abonar los amics de Jornalet

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

Son coma los franquistas aqueles : son de putchistas, qu'an donc, per definicion, procedit a un còp d'estat, puèi acusan los autres de sedicion contra l'estat ! Abans de los deliurar, grands senhors ! Las termièras de la peguesa son luènh, talament luènh ! Quin viatge…

  • 7
  • 0

Escriu un comentari sus aqueste article