Actualitats
Alemanha: primièr condemnat de l’Estat Islamic pel genocidi iazidita
L’acusat aviá daissat morir de set una filha de cinc ans estacada jol solelh. Ela e sa maire las teniá coma esclavas
Tèxte legit
Lo Naut Tribunal Regional de Frankfurt a condemnat Taha Al Jumailly a perpetuitat en lo considerar “colpable de genocidi, de crimes contra l’umanitat qu’an provocala la mòrt, de crimes de guèrra e de complicitat en crimes de guèrra”. Al Jumailly es membre de l’autoproclamat Estat Islamic e entre julhet e setembre de 2015 reduguèt a l’esclavatge una femna e sa filha de cinc ans, de la minoritat iazidita, a Fallujah (Iraq). Segon lo verdicte, la petita moriguèt de set estacada jol solelh al pati de l’ostal de l’acusat. La maire recebrà una indemitat de 50 000 èuros.
De son latz, lo ministèri public a assegurat pendent l’audiéncia que la mòrt de la filha fasiá partida del plan d’Estat Islamic d’eliminar lo pòble iazidita, que patiguèt un “genocidi” de las mans dels jihadistas.
Al Jumailly aviá crompat en 2015 la filha e la maire coma esclavas, qu’èran encarceradas en Iraq. Après la desbranda de l’Estat Islamic, lo trobèron en Grècia e lo liurèron a las autoritats alemandas. Dimars, en escotar lo verdicte, s’estavaniguèt.
La femna del condemnat, qu’es ciutadana alemanda, a recebuda una senténcia de dètz ans de preson coma compliça del crime.
Es lo primièr còp que se condemna un membre de l’Estat Islamic per de crimes contra la comunautat iazidita. Mai de 5000 iaziditas foguèron tuats en Siria e Iraq en 2014, pendent lo pretendut califat jihadista.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròban d’importants santuaris. En defòra de Sinjar, s’atròban de comunautats iaziditas en d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost de 2014 publiquèrem una nòva de Jordi Llaonart amb un vidèo que resumís en doas minutas çò que se passava dins lo nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demandava ajuda desesperadament a sos collègas arabis. La deputada explicava qu’en Iraq i aviá un pòble qu’agonizava entre las mans de l’Estat Islamic e que sabiá pas çò que deviá far per que lo Mond o qualqu’un los ajudèsse. Los politicians encargats de prene las decisions, e que l’escotavan, esperèron que la dòna destorbaira acabèsse son discors e que los daissèsse en patz.
Dakhil explicava als deputats çò que se passava en aquel moment a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentiguèt la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas avián fugit cap a las montanhas e avián pas quitament d’aiga. “Assassinan mon pòble!”. Diguèt que s’èra passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fondiá de dolor, lo president del parlament li demandava que se limitèsse a la declaracion pachada. E quand ela acabèt son torn, pas res. Lo president de la cambra donèt la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçar als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
De son latz, lo ministèri public a assegurat pendent l’audiéncia que la mòrt de la filha fasiá partida del plan d’Estat Islamic d’eliminar lo pòble iazidita, que patiguèt un “genocidi” de las mans dels jihadistas.
Al Jumailly aviá crompat en 2015 la filha e la maire coma esclavas, qu’èran encarceradas en Iraq. Après la desbranda de l’Estat Islamic, lo trobèron en Grècia e lo liurèron a las autoritats alemandas. Dimars, en escotar lo verdicte, s’estavaniguèt.
La femna del condemnat, qu’es ciutadana alemanda, a recebuda una senténcia de dètz ans de preson coma compliça del crime.
Es lo primièr còp que se condemna un membre de l’Estat Islamic per de crimes contra la comunautat iazidita. Mai de 5000 iaziditas foguèron tuats en Siria e Iraq en 2014, pendent lo pretendut califat jihadista.
Los iaziditas
Los iaziditas son una minoritat religiosa curda, entre mièg milion e un milion de personas, que profèssan lo iazidisme, una religion pròpria del pòble curd. Foguèt fondat al sègle XII e ten d’influéncias islamicas sofís e zoroastrianas, valent a dire de l’anciana religion dels curds e dels pèrsas, lo zoroastrisme.
Per l’islamisme rigorista, los iaziditas son d’adoraires del diable, pr’amor qu’una de las figuras centralas de lor fe es Melek Taus, un àngel en forma de pavon que tombèt en infèrn. Los iaziditas, totun, destrian Melek Taus del diable, entretant perque segon eles, Melek Taus foguèt perdonat e reabilitat per Dieu e escantiguèt las flamas infernalas.
La montanha de Sinjar es un dels luòcs sagrats dels iaziditas: s’i atròban d’importants santuaris. En defòra de Sinjar, s’atròban de comunautats iaziditas en d’autras zònas del Curdistan del Sud, en Curdistan Occidental, en Caucàs e dins la diaspòra europèa, en particular en Alemanha.
Lo 73n ensag de genocidi del pòble iazidita
En agost de 2014 publiquèrem una nòva de Jordi Llaonart amb un vidèo que resumís en doas minutas çò que se passava dins lo nòrd d’Iraq. Dins aquel vidèo Fiyan Dakhil, una deputada iazidita del parlament iraquian, demandava ajuda desesperadament a sos collègas arabis. La deputada explicava qu’en Iraq i aviá un pòble qu’agonizava entre las mans de l’Estat Islamic e que sabiá pas çò que deviá far per que lo Mond o qualqu’un los ajudèsse. Los politicians encargats de prene las decisions, e que l’escotavan, esperèron que la dòna destorbaira acabèsse son discors e que los daissèsse en patz.
Dakhil explicava als deputats çò que se passava en aquel moment a l’entorn de la vila de Sinjar: 500 iaziditas assassinats al crit de “la ilaha illa Allah” —aicí se sentiguèt la renada de desaprobacion de qualques deputats—, de femnas capturadas e vendudas al mercat coma d’esclavas, 30 000 familhas avián fugit cap a las montanhas e avián pas quitament d’aiga. “Assassinan mon pòble!”. Diguèt que s’èra passada la meteissa causa amb los iraquians shiitas, sunnitas, crestians, turcmèns e shabaks.
Mentre que la femna se fondiá de dolor, lo president del parlament li demandava que se limitèsse a la declaracion pachada. E quand ela acabèt son torn, pas res. Lo president de la cambra donèt la paraula a la persona seguenta qu’esperava son torn. E tèma barrat e desmembrat.
Ça que la, qu’esperava de capitar aquela femna en s’adreiçar als eiretièrs dels regims e govèrns qu’an perpetrat long de l’istòria fins a 72 ensages d’extermini de la comunautat iazidita?
GUILTY OF GENOCIDE
— FreeYezidiFoundation (@Free_Yezidi) November 30, 2021
FYF statement on conviction in Germany of #ISIS#Daesh member Taha Al Jumailly, who participated in the #Yazidigenocide through #Yezidi#Yazidi enslavement and murder of a 5-year old child chained to a fence to die in the heat. Statement + info here.
Thread. pic.twitter.com/BImpAre1O6
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Mentretant, la Cort de Cassacion qu'a annulat la condemnacion d'un borrèu d'aqueths en França per'mor que "lo crimi de crimis contra l'umanitat n'existeish pas en Siria".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari