Bandièra01 1180x150: País Invisible

Actualitats

Macron ganha lo primièr torn e passa al segond amb Marine Le Pen

Pécresse, Hidalgo e Roussel demandan de votar Macron al segond torn per empedir la victòria de l’extrèma drecha. Le Pen demanda lo vòte de totes los antimacronistas independentament de lor ideologia

Tèxte legit

Lo president de França, Emmanuel Macron, a ganhat lo primièr torn de las eleccions presidencialas amb mai del 27% dels vòtes e disputarà, coma en 2017, la presidéncia de la Republica Francesa amb la candidata d’extrèma drecha Marine Le Pen, que n’a obtengut mai del 23%. Lo segond torn se tendrà lo 24 d’abril.
 
Lo candidat esquerrista Jean-Luc Mélenchon es demorat en tresena posicion, amb mai del 21% dels vòtes. Seguís l’ultradrechista Éric Zemmour amb lo 7% dels vòtes. Los partits tradicionals semblan definitivament fòra de l’encastre electoral francés: la drechista Valérie Pécresse (Los Republicans) a obtengut mens del 5% dels vòtes del temps que la socialista Anne Hidalgo a pena n’atenh lo 2%, doncas mens que Joan de Lassala e lo comunista Fabien Roussel, e un resultat similar al del tresen candidat d’extrèma drecha, Nicolas Dupont-Aignan. Los candidats trotskistas Philippe Poutou e Nathalie Arthaud an mens de l’1% de las voses.
 
A l’entorn del 74% dels ciutadans de la Republica francesa amb drech de vòte son anats a las urnas aqueste dimenge per elegir, entre dotze candidats, quins seràn los dos que se disputaràn la presidéncia de França al segond torn, previst dos setmanas apuèi. Ara, començan las cridas a votar Macron o Le Pen, o ben a s’absténer o votar blanc.
 
La cap del Recampament Nacional, Marine Le Pen, a sollicitat, dins sa primièra compareissença, lo vòte, al segond torn, de totes los que son contra Macron, “de drecha, d’esquèrra e d’endacòm mai” e a dich que non que s’i presentarà pas coma la candidata de son partit, mas amb la volontat d’amassar totes los malcontents de l’actual president de la Republica.
 
D’autre caire, son mai d’un los candidats qu’an ja demandat lo vòte per Macron al segond torn, dont Valérie Pécresse e Anne Hidalgo, per empedir la victòria de l’extrèma drecha. Tanben o an demandat lo candidat del Partit Comunista, Fabien Roussel, e l’ecologista Yves Jadot.
 
De son latz, Mélenchon demanda pas lo vòte per Macron, mas a dich qu’el non votarà pas Le Pen e que cap de votz deu pas anar a l’extrèma drecha. En mai d’aquò, lo candidat de La França Insomesa assegura qu’amb son resultat s’es dobèrta una nòva pagina dins la lucha de l’esquèrra francesa.
 
Trobatz totes los resultats sul sit elections.interieur.gouv.fr.
 
 

 
 
 abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guihen de Mount-Pelié Lo Clapàs
26.

Lassala, Poton, "Macron" (que ditz aver d'originas prigondas dins Sud-Oèst...) ... - se poiria far un article sus los candidats "occitans" ?
Plan mercé,
Guilhèm

  • 1
  • 1
Guihen de Mount-Pelié Lo Clapàs
25.

#19 "Il y a des gens qui ne sont rien".
Et il y a des choses qui ne se disent pas.
Malurosament, pensi pas que calgue lo botar fora joc A TOT PRES...
Aïoli

  • 1
  • 0
Guihen de Mount-Pelié Lo Clapàs
24.

#22 Aïe, me devi explicar...
En tota onestetat, soi endolorit per causa de l'aficha del torn segond...
Soi fièr de la mieuna ciutat clapassièra...
Pas d'insultas, se vos plai !
Om aurà lo léser de'n parlar, se volètz, e mai siague per ieu la debuta de mon caminament politic e occitanista - doncas ai pa'ncara totas las idèias claras...
"Vous autres, Occitans, je sais bien qu'on ne peut pas se fâcher avec vous", per citar lo Giono que parlava èl dels païsans de Provença.
Aïoli

  • 2
  • 0
Max frisch
23.

Pieger que lo bruch de la botas, lo silenci de las pantoflas.

  • 1
  • 0
Gileton lo Jaunàs
22.

#20 Sètz endolorit perque lo Mélenchon a fach 40% a Montpelhièr o perque es pas al segond torn ?

  • 2
  • 0

Escriu un comentari sus aqueste article