Bandièra01 1180x150: Comuna de Tolosa

Actualitats

Lo podcast de Ràdio Occitània: Joan-Luc Lagrava e la campanha de finançament participatiu d’Adishatz

Tèxte legit

En collaboracion amb Ràdio Occitània, Jornalet prepausa cada dimenge una entrevista àudio del podcast de la ràdio tolosana. Aquesta setmana, retrobam l’entrevista de l’entrepreneire gascon Joan-Luc Lagrava, fondador de la socitetat teisseira Adishatz, que ven de lançar una campanha de finançament participatiu per poder manténer son activitat sus plaça.


Per aquel mond, fa 20 ans que “tornar localizar” l’economia es una evidéncia. La marca Adishatz basada dins las Lanas prepausa non solament tota una gamma variada de vestits mas dispausa tanben de las aisinas per los fabricar de A duscas a Z. Pasmens, aquela entrepresa, coma las autras, es a pas a l’abric de las brandidas economicas o geopoliticas. Lo PDG e fondador d’Adishatz, Joan-Luc Lagrava, parla d’una campanha de finançament participatiu per poder manténer aquela activitat sus plaça al 100%.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

FRAJ Eric Carbona
1.

Adissiatz,
es plan de collaborar ambe Ràdio Occitania pel biais de podcastes. Mas voldriái senhalar, coma un dels membres fondators d'aquesta ràdio e un dels membres de son C. A., que lo nom oficial e istoric de la ràdio es Ràdio Occitania (sense accent sus la primièra "a"'). Es çò meteis, a Tolosa, per lo nòstre Ostal d'Occitania (sense accent sus la primièra "a"). Mercés de respectar la realitat lingüistica eretada, la causida dels militants e de las militantas que fondèron aquelas doas entitats, e atal de metre fin a un revisionisme istoric qu'es tanben un revisionisme lingüistic. Plan coralament,
Eric Fraj.

  • 0
  • 2

Escriu un comentari sus aqueste article