Bandièra01 capçalera  1180x150: Novestivada

Actualitats

Islàndia renóncia a far partida de l’Union Europèa

Lo primièr ministre anoncièt dijòus la dissolucion de las comissions de trabalh e la fin de las negociacions

Islàndia a arrestat definitivament las convèrsas per tal de far partida de l’Union Europèa. Lo ministre dels afars estrangièrs islandés Gunnar Bragi Sveinsson anoncièt dijòus que son país aviá decidit de dissòlver totas las comissions creadas per negociar aquela intrada e comunicar a l’Union Europèa que i auriá pas cap de reünion de mai. La darrièra de las reünions entre l’Union Europèa e Islàndia aviá agut luòc dimenge tot just.
 
Las negociacions entre Islàndia e l’Union Europèa comencèron en 2008, après lo collapse economic de l’illa. Ça que la l’oposicion ciutadana a ne far partida e las dificilas negociacions sus los dreches de pesca an alentit lo procès e fin finala l’an arrestat. Lo govèrn actual se presentèt a las eleccions amb la promessa electorala d’arturar las negociacions entre l’Union Europèa e Islàndia.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
4.

Ieu Occitan, vòli far partida de la meteissa Euròpa qu'Islàndia, una Euròpa gobernada pels pòbles en democracia, e non pas dirigida per las bancas…

  • 0
  • 1
Thierry São Paulo
3.

#1 Mas geograficament l'Islàndia fa partida de l'Europa alavetz que la Turquia es a recotin entre l'Europa e l'Asia (e sustot en Asia !). Lor cas es adoncas plan diferent.
I a tanben la question del genocidi armenian que volon pas reconèisser (un pauc coma li Franchimands e lo genocidi de Beziers...)

  • 0
  • 0
Muammar again
2.

Eux, ils ont tout compris et ils sont moins cons que nous. Bravo les Islandais!

  • 3
  • 1
pèire cardenal
1.

et unPernod pour Arthur, un aquesta publicitat -mièlhs dich-reclama retro me ven espontanement à l'esperit quand legissi lo vèrb arturar per arrestar-you are under arrest , aco s'ausis dins lei filmes americans e aquesgteis isamlandés an ben rason. Serià pas un pauc trop luencha, aquesta illa volcanica ? c oma la Turquia, que d'unei jobastres volon que fuguèsse europenca -o europèa....de frontieras comunas d'Europa ambé la Siria e l'Iraq....ne fernissi

  • 2
  • 0

Escriu un comentari sus aqueste article