L’amor a pas de genre, l’amor a pas de raça. Lo darrièr vidèo de l’organizacion non governamentala estatsunidenca Ad Council, que lucha per sensibilizar sus la discriminacion, a ben capitat sus Internet. Lo jorn passat de Sant Valentin, installèron un ecran gigant de rais X sus una de las carrièras principalas de Santa Monica en Califòrnia. Los espectators i podián veire las esqueletas de las personas qu’èran darrièr, de mond que s’abraçavan o dançavan. La tòca èra de mostrar coma las esqueletas èran exactament parièras, independentament del sèxe, l’etnia, l’orientacion sexuala...
 
Entitolat Love has no labels (L’amor a pas d’etiquetas), lo vidèo convida a perpensar suls prejutjats que se manifèstan gaireben inconscientament, çò que fa que i aja de mond que se sentisson discriminats.