Bandièra05 1180x150: PUBLICITAT

Opinion

Messorgas d’estat

Messorgas d’estat
Messorgas d’estat | Robert Fotograf

Un fum d’articles e d’emissions dison de longa l’espanta estabosida que de populacions totas creson d’enormitats que son lo contrari de la realitat. E de comentar amb una pietat auturosa lo pauc d’esperit daus pòbles qu’engolisson atau de cracas tan gròssas.

Mas per o plan comprene basta de nos agachar un pauc mai.

Atau França argumenta dempuèi ara sègles qu’en rapòrt as lengas autoctònas cau absoludament una lenga comuna. E aquò justifica d’impausar l’ensenhament dau sol francés e d’enebir d’ensenhar las autras, las particularas.

Es d’evidéncia una contradiccion absoluda. Se i a lenga comuna vòl plan dire convivéncia es a dire ensenhament a l’encòp de las particularas e de la «comuna». Justifica pas brica çò que se faguèt e contunha de se faire qu’es politica de lenga unenca e non pas comuna. E eliminacion das autras.

Aquela falsièra plan vesidoira, evidenta e grossièra, es pasmens cantada de longa amb afan per la quasi totalitat dau mond politic e mediatic. E la gaucha es pas la mens devòta d’aquela messorga d’Estat psalmodiada coma vertat ontologica.

Vesèm aicí cossí una falsetat grotèsca passa per vertat dins l’opinion de tot un país e justifica una accion crudèla e duradissa d’eliminacion. Atau es, la populacion francesa sosten amb tranquillitat e bona conciéncia la ruina de patrimònis vius immenses das culturas dau país.

Las mentidas evidentas de l’Estat, plan engolidas per la populacion, son pas una exclusivitat exotica.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: SIDILLÀ

Comentaris

Pascau
2.

E n'i a qui saben si Joan Loís Blenet lej los comentaris devath los sons articles svp?
Que hè tres còps qui pòsti lo medish comentari devath tres article diferents shens aver nada responsa...

  • 0
  • 1
Pascau
1.

I a dus ans qu'avetz representat las escòlas calandretas sus Radio Courtoisie, un media d'extrema dreta condamnat mantuns còps per l'ARCOM peu son racisme. Qu'i avetz parlat deu prenom Artús.

Dab lo recul, e pensatz qu'èra ua error de respóner a aqueth media? O ei quauqu'arren qui n'excluditz pas de tornar har?


Avetz vist los comentaris en devath de la video on intervienetz?

Aquiu un florilègi :

"Que calè que l'aperèssen Mohammed com tot lo monde"

"Qu'avetz desbrombat Moamed"

"[en occitan dens lo tèxte : ] Aquò es pas ben malaisat de cridar còntra I'invasøn dau monde anglés, mas pensatz que lo Joan‑Lòis Blenet seriá tan aisat per parlar d'aquela tan brutaIa dau monde maømetan ??? "

  • 6
  • 3

Escriu un comentari sus aqueste article