CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Dissabte, 7 de març de 2015, 03h00 Societat,Politica,Environament

Lengadòc > Albigés > Galhaqués

Los gendarmas an evacuat la ZAD del Testet après l’anóncia que la restanca de Sivens se farà pas

Lo Conselh General de Tarn prepausa un projècte de barratge mai petit


Comentaris 8 comentaris    
Marrit Flac Bon Plan bon Fabulós (3 vòtes)
carregant En cargar


Sébastien Marcelle

Brice Bach' ♠️





Nòvas restacadas
Etiquetas
fraisse, gendarmas, sivens, testet, zad, zadistas

Aqueste divendres, après que lo conselh general de Tarn a decidit de cambiar lo projècte de la restanca de Sivens per una autra proposicion d’òbra mai petita, lo prefècte del departament a donat l’òrdre d’evacuar lo sit ont los zadistas campavan dempuèi novembre 2013 per protestar contra lo projècte inicial.
 
Segon un comunicat dels zadistas, eles decidiguèron de quitar lo sit al moment de conéisser la decision del conselh general de Tarn, ja qu’aquela decision ditz que se farà pas lo projècte contra lo qual los zadistas an protestat longtemps. Es aital qu’ièr a 11h45 comuniquèron qu’abandonavan lo sit, çò es, 15 minutas abans que lo prefècte n’ordenèsse l’evacuacion. Pasmens avián demandat doas condicions: l’amnestia pels inculpats e lo remborsament dels degalhs de material qu’an fach las fòrças de l’òrdre e los pròrestanca violents. Mas lo ministre francés de l’interior, Bernard Cazenave, donèt sul pic l’òrdre de deslotjar lo sit, quitament en metent quinze activistas en gàrdia a vista.
 
Segon d’informacions de Le Monde, tres cents gendarmas entornegèron la zòna en i penetrant per lo sud. Trobèron mai d’un zadista encadenat. Un quinzenat mai d’activistas entornejavan una tomba simbolica de Rémi Fraisse e los quatre darrièrs zadistas resistissián sus un mirador a dotze mètres de nautada, e lor evacuacion durèt mièja ora. Lo quinzenat de zadistas detenguts poirián èsser enseguits per resisténcia a l’autoritat. Los gendarmas desplacèron quitament una còla cinofila per s’ocupar dels cans dels activistas, en prevesent que los animals poguèsson defendre lors mèstres.
 
Cal remembrar que la lucha per preservar la valor ecologica del Testet a provocat un mòrt del costat dels ecologistas, lo jove tolosan Rémi Fraisse, que moriguèt la nuèch del 26 al 27 d’octòbre a causa d’una granada lançada pels gendarmas.
 
Per ara, poiriam dire que la lucha que los zadistas an menat dempuèi novembre de 2014 a ben capitat. Lo conselh general de Tarn a decidit de far pas la restanca prevista. Ara prepausa de far una restanca mai pichona.
 
Per aquesta dimenjada se son anonciats d’acamps de protèsta per tot lo país, en sosten als activistas detenguts.



publicitat
BANER1-2-3: DGPL TRADUCTOR



Comentaris

8 de març 10.17h

#7 Ai pas escrich per censurar ! Mas per ajudar a la compreneson en 'dobar las errors fòrça nombrosas sens deguna meschanta idea per lo chais.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

8 de març 05.32h

Avèm de censors lingüistics! Coma Le Monde! Jornalet es a se tornar jornal de referéncia, òsca! llèu demandarèm a en Pivòt de nos far la Dictada!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

8 de març 02.02h

#5 Me sei concentrat sus lo lemosin que semblatz pas conéisser en téner compte daus polimorfismes en usatge, en tut acceptar 'na part de francizacion. Sei tanben capable de subrenormalizar sens problema mas zo fau pas que ne'n vese pas l'interès.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

7 de març 23.51h

#3 Correccions addicionalas:

contre (francisme) > contra
pòple/pueple (francisme) > pòble
lo probleme (francisme) > lo problèma
préner > prene
la sòlda (francisme) > lo saldo
dirijar + dirijan/dirigen (francisme) > dirigir + dirigisson/dirigissen
que fassa/faja/fascha > que faça/faja/fascha
malauros > malaürós/malurós


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

7 de març 17.13h

#3 Merces. Avetz rason ; Chau que facha mai d'efòrt per la lenga. Vòle anar redde e prene pas totjorn lo temps de tornar legir.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

7 de març 11.52h

#2 Fajatz-me excusa mas podriatz far 'n esfòrç sus la qualitat de la lenga que quò 'chaba per se far malaisat de compréner ?
Sens vos vulher mau, vei-quí 'na lista de correccions e quò es pas mas un problema d'ortografia.

s'estonat>s'estonar
la guera>guerra
Fau far la patz mas queu>qui o quau
se bat conte>contre, contra
queu/quò ?
la filiera agricola>agricòla
son contestataire>sos contestaires
los écologiques>ecologistas
i a lo people>pòple o pueple
cerchar lo fonds>fons dau probl... Legir mai


Valoriza aqueste comentari:   votar positiu 0   votar negatiu 2
Respondre comentari replica Comentari inadeqüat   Formulari d'abús de comentari

7 de març 08.23h

Quand i a de las personas qu'apelan a l'evacuacion, chau pas s'estonat que lo governament passe a l'accion. La democracia e la republica son bafoadas.
I a la guera. Fau far la patz mas queu se bat conte queu?
I a pas solament lo governament, lo conselh generau e de l'autre costat la populacion. I a tots los organismes qu'an lo poder de decidar ( la filiera agricola e son contestataire 'los écologiques); i a los organismes economiques. E dins tot aquò i a lo people qu'an pas lo poder de decid... Legir mai


Valoriza aqueste comentari:   votar positiu 5   votar negatiu 5
Respondre comentari replica Comentari inadeqüat   Formulari d'abús de comentari

7 de març 05.38h

Sembla que sèm a tornar a l'estat policièr e al S.A.C. del General. E son a criminalizar los zadistas que cèrcan de parar la marcha dessenada del mond. Quant al Cazeneuve, aprofiechèt los eveniments de genièr per se vestir de blanc en fasent doblidar que i agèt un mòrt a Sivens. Doblidèm pas Rémi Fraisse!


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 13
  • sol Caors 13
  • sol Carcassona 17
  • sol Clarmont-Ferrand 12
  • sol Confolent 17
  • sol Gap 9
  • sol La Canau 14
  • sol La Gàrdia 14
  • sol Limòtges 13
  • sol Lo Borg Sant Dalmatz 15
  • sol Lo Puèi de Velai 18
  • sol Marselha 20
  • sol Montpelhièr 20
  • sol Naut Aran 15
  • sol Niça 18
  • sol Nimes 20
  • sol Pau 15
  • sol Peireguers 14
  • sol Rodés 15
  • sol Tolon 13
  • sol Tolosa 16
  • sol Valença 17

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Iñaki Delaurens

    Val d'Aran

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Via de Buelh a Pèunas a Valberg fins a Sant Laugier

  • Irissa: prumèra edicion dera corsa populara de BTT

  • © Laurenç Revèst

    Castelar

  • © Asalaís Moniguet

    Montpelhièr la lengadociana

  • Narbona. © Cercle Occitan de Narbona

    18a Dictada Occitana

  • © Franc Bardòu

    Tèrra albigesa

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Fèsta occitana a Barcelona, a l'ocasion del cinquen anniversari de Jornalet

  • © Asalaís Moniguet

    Montpelhièr la lengadociana

  • © Remèsi Firmin

    L'occitan per carrièras (concors de prima 2014)

  • © Franc Bardòu

    Asuèlhs Bigordans

  • © Franc Bardòu

    Catalonha etèrna

  • © Franc Bardòu

    Darrièr refugi abans l’envòl (1206-2016)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Tèrra albigesa

  • © Conselh Generau d'Aran

    Lo Torn de França 2016 en Aran

  • © Franc Bardòu

    Catalonha etèrna

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)