CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dijòus, 1 d'octòbre de 2015, 03h00 Politica

Gasconha > Val d'Aran

Aran se defend davant l’estat espanhòl, que ne vòl illegalizar la lei de regim especial

Una delegacion aranesa es anada defendre la Lei d’Aran davant l’Administracion Generala de l’Estat que la vòl denonciar al Tribunal Constitucional


Comentaris 7 comentaris    
Marrit Flac Bon Plan bon Fabulós (6 vòtes)
carregant En cargar


Lo govèrn de l’estat espanhòl ara vòl denonciar al Tribunal Constitucional la Lei d’Aran, que definís l’organizacion institucionala del país occitan, e qu’intrèt en vigor lo 14 de febrièr passat. Es pr’amor d’aquò que ièr, dimècres, una delegacion del govèrn aranés anèt a la reünion de la comission dels afars bilaterals entre la Generalitat de Catalonha e l’Administracion Generala de l’Estat per i defendre la Lei d’Aran.
 
La delegacion aranesa, compausada pel sindic d’Aran, Carlos Barrera, lo vicesindic, Luis Carlos Medina e l’assessor del Departament de Governament en Afars d’Aran, Àlex Moga, èra acompanhada pels servicis juridics de la Generalitat de Catalonha. E aital defendèt davant los representants de l’estat espanhòl los articles que vòlon illegalizar: los articles 3, 8, 48, 53, las disposicions addicionalas 1a e 2a e la disposicion finala 5a.
 
 
“Van a prejudiciar ua lengua que pòt morir, institucions petites mès millenàries e era democracia”
 
“Er estat espanhòu ei obsedit damb Catalonha”, çò a declarat a Jornalet Àlex Moga, en tot explicar son vejaire sus l’afar. “Non vòlen que quinsevolhe cession hèta a Aran pogue dobrir ua bèrca legau entà que Catalonha se’n gesque”, çò a precisat. Totun, “van a prejudiciar ua lengua que pòt morir, institucions petites mès millenàries e era democracia”, çò a apondut.
 
 
Que vòl illegalizar, l’estat espanhòl?
 
L’usatge preferencial de la lenga
 
Un dels aspèctes principals que chepica l’administracion espanhòla es l’usatge preferencial de la lenga occitana. L’estat argumenta que la Lei de l’occitan es ja suspenduda pel Tribunal Constitucional per aver dich que l’occitan aranés es la lenga preferenciala d’Aran. Dins aquel sens Moga a reclamat per Aran lo meteis tractament que lo del galèc en Galícia, segon una lei que lo parlament d’aquel país aprovèt en abril passat. L’estat a reconegut que la lei de Galícia se pòt pas recórrer perque lo relambi es passat.
 
 
La division territoriala
 
La Lei d’Aran assegura qu’Aran pòt pas èsser inclús “en cap de division territoriau que non sigue era madeisha”. Aital los araneses complissián la lei ancestrala e s’inclusiá pas Aran dins cap de vigariá de Catalonha. Mas l’administracion de l’estat espanhòl es pas favorabla a aquel ponch de la lei, que creson que permetriá de separar Aran de la província de Lhèida.
 
 
Lo drech de decidir
 
La Lei d’Aran reconeis al pòble aranés lo drech de decidir son futur. “Era valor dera democraria ei per dessús des estats”, çò diguèt Moga en defendent lo drech de decidir “de toti es pòbles deth Mond, siguen estats, regions, païsi...”
 
 
Que los araneses vòten
 
La Lei d’Aran establís tanben, qu’après son intrada en vigor, deu èsser votada pel pòble aranés. Per ara aquel vòte s’es pas fach pr’amor que l’estat espanhòl enebiguèt la Lei de consultas del Parlament de Catalonha. Pasmens, Aran espèra lo moment e la situacion legala per poder menar a tèrme aquel vòte. Mas sembla qu’“en sègle XXI, en ua democracia, mos an dit que non podem demanar era opinion ath pòble aranés”, çò planhiá Moga a la redaccion de Jornalet, qu’aviá lo sentiment que l’estat espanhòl voliá renviar Aran a la situacion de 1834, quand lo Conselh General d’Aran foguèt suprimit per un òrdre reial.
 
Dins las setmanas venentas, arribaràn las proposicions. 



publicitat
BANER1-2-3: DGPL AN LAFONT



Comentaris

5 d'octòbre 10.22h

Si l'Aran s'independitzés, seria fantàstic, ja hi haurien dos territoris Occitans independents: Monaco i l'Aran.
I si ho fa Catalunya millor això voldria dir que aviat Occitània també.
Collonut!
Mentrestant: Visca la Terra...Lliure!
Records de l'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

4 d'octòbre 00.04h

Cada còp que i a problèma sus aqueste sicut, tornam al meteis besonh, a la meteissa mancca : una lenga vòl un pòble que vòl un país que li cal un estat (e una banca d'estat independenta dels interèsses privats). Al pòble occitan, tant coma al pòble catan, li manca son estat independent. Es pas gaire complicat d'entendre, aquò. E mai se tot lo mond oficial se'n vira…


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

3 d'octòbre 10.22h

L'Occità, el Català, el Euskera. el Gallec, etc. L'Estat espanyol ho nega tot, son nens petits que juguen a manar o uns desaprensius que van contra tot i tohom, aíxí és spain una terra de...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

1 d'octòbre 21.25h

A veir se d'un viatge es aranesi mos damb comde qu'eth estat espanhòu ei eth nòste enemic, tant s'ei governat peth PP, Psoe o Ciutadans, son era madeisha lordèra.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

1 d'octòbre 20.30h

Lo pp sap pas qu'es acò de l'occitan. Ja ten un bon disgust amb lo catalan, perquè ara los surten amb l'occitan, qu'els sona com un catalan però mai fotut d'entendre. Los paures solament coneissen lo castilhan, e es pensan que per tot lo mond los compren. Ignorants de mena !


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

1 d'octòbre 11.24h

Testardasses, los neo-falangistas...


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

1 d'octòbre 04.52h

Ara que sabon que la cinquèna colomna de Ciudadanos es dins Aran...


Valoriza aqueste comentari:   votar positiu 21   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 27
  • sol Aush 27
  • sol Bordèu 26
  • sol Briançon 15
  • sol Caors 26
  • sol Carcassona 25
  • sol Clarmont-Ferrand 21
  • sol Confolent 19
  • sol Gap 14
  • sol La Canau 26
  • sol La Gàrdia 23
  • sol Limòtges 22
  • sol Lo Borg Sant Dalmatz 18
  • sol Lo Puèi de Velai 19
  • sol Marselha 25
  • sol Montpelhièr 25
  • sol Naut Aran 21
  • sol Niça 21
  • sol Nimes 26
  • sol Pau 25
  • sol Peireguers 25
  • sol Rodés 27
  • sol Tolon 24
  • sol Tolosa 25
  • sol Valença 20

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Asuèlhs de Lauragués

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Xavi Gutiérrez Riu

    31n rescontre occitanocatalan al Pòrt de Salau

  • Asuèlhs comengeses. © Franc Bardòu

    Asuèlhs Comengeses

  • Asuèlhs comengeses. © Franc Bardòu

    Asuèlhs Comengeses

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • País de Rasés. © Franc Bardòu

    País de Rasés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Menton, 'a vivaroalpenca maritima

  • © Franc Bardòu

    Darrièr refugi abans l’envòl (1206-2016)

  • © Laurenç Revèst

    Menton, 'a vivaroalpenca maritima

  • 32n rescontre occitanocatalan al pòrt de Salau

  • © Laurenç Revèst

    Besièrs, preséncia d'occitan en ciutat e CIRDOC

  • © Laurenç Revèst

    Fòrt Maginòt de Sant Anhe

  • © CD

    Escòla Calandreta dau Mas. Drap (País Niçard)

  • © Laurenç Revèst

    Vista de Nimes, lengadociana per l'istòria, provençala per lo dialècte

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • En tot hèr rota. © Xavi Gutiérrez Riu

    Prumèra nheuada dera sason ena Val d'Aran

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)