Actualitats
Los Estats Units e Japon an signat un acòrdi que tòca lo 40% de l’economia mondiala
Lo pache l’an negociat pendent mai de cinc ans a compren tanben dètz autres païses del Pacific
Los Estats Units e Japon signèron ièr un acòrdi de liure escambi nomenat Tractat d’Associacion Transpacific (TTP) que tòca lo 40% de l’economia mondiala. Es un pache qu’inclutz tanben Canadà, Austràlia, Chile, Brunei, Malàisia, Mexic, la Nòva Zelanda, Peró, Singapor e Vietnam.
Lo pache es arribat après mai de cinc ans de negociacions, qu’avián agut d’empediments a causa de las divergéncias sus l’accès als produches lachièrs e de la nòva generacion de produches biomedicals. La tòca de l’acòrdi es de reduire las tarifas doanièras comercialas e d’establir de nòrmas comunas dins los dotze païses signataris del TTP.
Aquel acòrdi, impulsat pel president estatsunidenc dins son primièr mandat, ara deu èsser ratificat pel Congrès dels Estats Units, en una situacion de precampanha electorala per las eleccions presidencialas que se celebraràn en 2016.
Dins qualques païses se son debanadas de protèstas, mai que mai contra la nòva regulacion dins de sectors sensibles coma lo dels medicaments.
Lo pache es arribat après mai de cinc ans de negociacions, qu’avián agut d’empediments a causa de las divergéncias sus l’accès als produches lachièrs e de la nòva generacion de produches biomedicals. La tòca de l’acòrdi es de reduire las tarifas doanièras comercialas e d’establir de nòrmas comunas dins los dotze païses signataris del TTP.
Aquel acòrdi, impulsat pel president estatsunidenc dins son primièr mandat, ara deu èsser ratificat pel Congrès dels Estats Units, en una situacion de precampanha electorala per las eleccions presidencialas que se celebraràn en 2016.
Dins qualques païses se son debanadas de protèstas, mai que mai contra la nòva regulacion dins de sectors sensibles coma lo dels medicaments.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De lòr costat russes e chines an sinhat daus accòrds comerciaus entre eus.
A! qu'es brava la guerra economica. I a pus d'URSS mas totjorn daus blocs!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari