Bandièra01 1180x150: Comuna de Tolosa

Actualitats

L’estat espanhòl defend a Otegi de se presentar a las eleccions bascas

Segon lo Conselh Electoral Provincial de Guipuoscoa, lo politician basquista es inelegible perque la justícia espanhòla l’invalidèt fins en 2021

Lo Conselh Electoral Provincial de Guipuscoa a decidit qu’Arnaldo Otegi pòt pas èsser candidat a las eleccions bascas del 25 de setembre que ven. Segon aquel organ, lo politician basquista es inelegible perque la justícia espanhòla l’invalidèt fins en 2021. En mai d’aquò, lo Conselh Electoral a demandat al partit d’Otegi, EH Bildu, que corregista sa lista electorala. Otegi aviá ja anonciat que, invalidat o pas, participariá a la campanha electorala.
 
Otegi aviá ja declarat sus son compte de Twitter que “poiràn copar totas las flors, mas jamai arrestaràn pas la prima”, en citant un poèma de Pablo Neruda.
 
Ara, lo partit independentista basco deu corregir “sas errors” abans lo 28 d’agost e tanben presentar un recors contra la decision del Conselh Electoral. Mentretant, las reaccions sul ret son vengudas nombrosas.
 
 
Sièis ans e mièg en preson per crear un espaci politic
 
Embarrat en preson sièis ans e mièg per aver volgut crear un espaci politic ont i aguèsse pas de luòc per la violéncia, lo cap independentista basco foguèt acusat d’aver ensajat de rebastir lo partit illegalizat Batasuna. Cal dire que Batasuna foguèt jamai illegal en Euskadi Nòrd, e i tenguèt normalament son activitat fins a la data de sa dissolucion, anonciada a Baiona lo 3 de març de 2013.
 
Otegi sortiguèt de la preson lo 1r de març passat, e l’estat espanhòl l’invalidèt politicament fins en 2021. Ça que la, Otegi demandèt l’opinion de la Cort Europèa dels Dreches Umans.
 
 
L’enjòc politic
 
L’enjòc politic que lo pòt aver lo Bascoat amb sa libertat pòt èsser grand pr’amor que  fòrça analistas avián afirmat que, s’Otegi podiá participar politicament a qualques eleccions de la Comunautat Autonòma Basca, podriá venir, plan probable, lo nòu Lehendakari o president, çò que causariá un problèma de mai per l’estat espanhòl, qu’ara ja n’a un de grand amb Catalonha e lo sieu procès independentista. Es ben probable qu’Otegi n'entamenariá un autre en Bascoat.

Dins aquel sens, Vilaweb publiquèt un article d’Alexandre Solano e Seda Hakobyan que compara Otegi amb d’autres presonièrs politics que son venguts presidents de lors païses o qu’an obtengut de cargas politicas importantas, coma es lo cas de José Mujica, Nelson Mandela, Dilma Rousseff o Aung San Suu Kyi.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

No et fot! Clamen contra el terrorisme Basc,i ara que ETA a plegat, no en foten ni cas.
Però que en Otegui és presenti a les eleccions, no ho poden ni veure. Curiosa la política de l'Estat espanyol amb Euskadi. Despres diüen separatistes i nazis i coses pitjors als Catalans perquè volem marxar.
Qui és l'Ase que vol estar en un Estat així.
Visca la Terra...Lliure!
L'Ernest, "El Tàrrega".

  • 0
  • 0
francesc palma de mallorca
1.

Lo faissisme capitalista son quatre gats, mas tenen poder econòmic per comprar la premsa "liura ?" e far creire a la gent que los albercocs son cireres.

  • 4
  • 0

Escriu un comentari sus aqueste article