Actualitats
Groenlàndia: los independentistas an tornarmai ganhat las eleccions
A las illas Feròe an remés lo referendum sus la nòva Constitucion, que dobrís la pòrta a l’independéncia
L’independentisme a ratificat la victòria electorala en Groenlàndia. Lo partit socialdemocrata Siumut atenguèt lo 27,2% dels vòtes a las eleccions de dimars passat, 24 d’abril, mas obtenguèt pas la majoritat absoluda e deurà negociar amb d’autras fòrças per formar un govèrn de coalicion. Lo segond partit foguèt la formacion de l’esquèrra verda Inuit Ataqatigiit (25,5%), qu’es tanben independentista. Lo tresen partit foguèt lo centrista Demokraatit (19,5%), qu’a una posicion mai moderada envèrs l’independéncia totala de Groenlàndia.
Groenlàndia obtenguèt l’autonomia de Danemarc en 1979 e dempuèi 2009 se tròba dins un estat d’independéncia gaireben plena, manca las competéncias de defensa e dels afars estrangièrs, que son tot çò que o manten lo govèrn de Copenaga. Danemarc apòrta cada an lo 60% del budget de l’illa jos forma de prestacions socialas. L’illa a una populacion d’un pauc mai de 56 000 personas.
Kim Kielse tornarà èsser primièr ministre, una carga assumida dempuèi 2014.
Referendum a las illas Feròe
Dimècres passat se deviá debanar un referendum sus la nòva Constitucion a las Illas Feròe, que tanben apertenon a Danemarc, mas s’es remandat. A l’ora d’ara lo tèxt s’examina al parlament, e quand serà estat aprovat pel sufragi popular sièis meses deuràn passar per que se tenga lo referendum d’independéncia.
Groenlàndia obtenguèt l’autonomia de Danemarc en 1979 e dempuèi 2009 se tròba dins un estat d’independéncia gaireben plena, manca las competéncias de defensa e dels afars estrangièrs, que son tot çò que o manten lo govèrn de Copenaga. Danemarc apòrta cada an lo 60% del budget de l’illa jos forma de prestacions socialas. L’illa a una populacion d’un pauc mai de 56 000 personas.
Kim Kielse tornarà èsser primièr ministre, una carga assumida dempuèi 2014.
Referendum a las illas Feròe
Dimècres passat se deviá debanar un referendum sus la nòva Constitucion a las Illas Feròe, que tanben apertenon a Danemarc, mas s’es remandat. A l’ora d’ara lo tèxt s’examina al parlament, e quand serà estat aprovat pel sufragi popular sièis meses deuràn passar per que se tenga lo referendum d’independéncia.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Se parla d'una visita del copríncep a Andòrra al mes de julh. Lo Macronet va descobrir un mond que, probable, li es complètament estranh: es mai de la religion de Wall Street e de la Silicon Valley que de la Meritxell.
Es ben cert qu' encara que depengan economicament d'altres paisos, tots los paisos petits volen ser independents. Ni Luxemburg vol ser d'Alemanha, ni Monaco vol ser de la grander de França, ni Malta ni anglesa ni d'Italia,........cap país per petit que sia vol perdre sa independència. Deue ser per qualque causa ?
#1 I a tanben de países qu'estiman aver pas grand causa de pèrdre s'acòrda democraticament l'independéncia a un pòble que la demanda legitimanent, e d'autres países, que dins lo meteis encastre, estiman qu'i van pèrdre tot. Son pas los independentistas que son dependents, dins aquel cas, mas los que lor fòrabadinsson l'independéncia : Espanha e França dependan, dins sas pretencions fallacioisas e vanitosas, totalement, de Catalonha, d'Euskadi e d'Occitania…
I a de países civilitzats e de países barbars.
I a de países amb de ministres onèstes e de países amb de ministres corromputs.
I a de países ont per dètz èuros pagats amb la carta del ministèri un ministre demissiona e de países ont de ministres rauban a milions se permèton de balhar de leiçons.
Òsca Dinamarca!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari