Penka es saique la vaca pus coneguda de Bulgaria. Fa qualques jorns, traversèt la frontièra fins en Serbia e tornèt dins son país, e ara la burocracia la vòl far tuar per aver quitat l’Union Europèa. Un afar qu’a portat fòrça sostens a l’animal e que los partisans del brexit ne profièchan per criticar la burocracia europèa.
 
En tot pàisser, Penka quitèt l’estat bulgar e intrèt dins lo territòri sèrbi. Doas setmanas pus tard, un elevaire d’aquel país l’identifiquèt e la tornèt a son proprietari, Ivan Haralampiev. Mas l’UE considèra qu’es un animal importat illegalament de fòra l’Union, e segon la lei la cal sacrificar. Un veterinari l’a examinada e l’a trobada sana e, de mai, es prens.
 
Per ara, la vaca es en quarantena mentre qu’espèra que se resòlga son dorsièr. Mentretant, l’istòria es venguda de mai en mai mediatica, sustot pr’amor que qualques jornals britanics se’n servisson per criticar los efièches “pauc umans” de la burocracia de l’Union Europèa. Quitament The Telegraph a lançat una peticion sus Change.org per que l’UE daisse la vida a Penka.
 
Tanben lo musician Paul McCartney a mostrat son supòrt a la bèstia.
 
 

Here's a petition to get the ball rolling: Save Penka the pregnant Bulgarian cow https://t.co/buRTiH7yWv via @UKChange

— James Rothwell (@JamesERothwell) 1 de juny de 2018

 

I think it would be really nice to see this pregnant cow given a reprieve. She’s done nothing wrong. Join us if you agree. https://t.co/XwKKceWvigpic.twitter.com/z32ZaDG3zx

— Paul McCartney (@PaulMcCartney) 8 de juny de 2018