Bandièra 1 e 5 1180x150: Ben Aisit Bausen 17

Opinion

La Comedia Occitana Tolzana cèrca actors

Joan-Marc Leclercq

Joan-Marc Leclercq

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

Mai d’informacions
Per un còp, ma croniqueta serà utila, benlèu…
 
Au lòc d’escríver sus çò que pensi d’aquò o d’açò, vau aquesta setmana relaiar una anóncia hèita per un element important de la cultura occitana. Au mens servirà benlèu a quicòm.
 
S’agís de la Comedia Occitana Tolzana, la famosa tropa de teatre creada en 1978 (dambe lo pairinatge e la participacion de Laurent Terzieff) peu non pas mens famós Maurici Andrieu, coneishut per sas prestacions sus l’empont, mes tanben per sons escriuts e sas apareishudas au finestron per las emissions de France 3.
 
Lo grop teatrau ara lança una crida a totis los que vòlon participar a l’aventura. Vos balhi ací l’integralitat deu tèxte de l’anóncia (Èi pas ajustat que tres accents):
 
“La Comèdia Occitana Tolzana recruta quate comedians.
 
La COT, fondada per Maurici Andrieu a Tolosa dempuèi 1978, es una tropa amatritz que jòga d’unes espectacles en occitan sustitolats en francés.
 
Avèm una creacion en cors, pèça en un acte que l’un de nosauts l’a escrita. La pèça es una polida farcejada que conta una matinada dins un estanquet d’aicí e s’apèla “Embrolhs a la Palanca”, amb 10 personatges. Cercam 4 comedians, dos òmes e doas femnas per dos ròtles en occitan e dos en francés. Las repeticions se debanan a Tolosa.
 
S’aimatz entendre, lire e dire l’occitan, venètz jogar amb nosaus.
 
COMEDIA OCCITANA TOLZANA 11 rue Malcousinat 31 000 Toulouse
 
Bernard Beau-Vignol: beauvignol@gmail.com 06 17 50 03 63
 
Hubert Servan: comediaoctol@gmail.com 06 76 51 50 49”
 
Vaquí, qu’èi hèit ma mission. S’aquò vos interèssa pas particularamant o que demoratz luenh de Tolosa, ne podètz au mens parlar a l’entorn o contactar monde que volerén se lançar dens l’aventura deu teatre en lenga d'òc.
 
Mercés per avança.
 
 
abonar los amics de Jornalet


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: Oc brigada

Comentaris

artur quintana font La Codonyera (Aragon)
1.

Per un còp e mai.

  • 0
  • 0

Escriu un comentari sus aqueste article