Bandièra01 1180x150: Comuna de Tolosa

Opinion

L’info d’un autre biais (I)

Pèire Tommasi

Pèire Tommasi

Tecnician dins una entrepresa granda, al burèu de la seccion Occitan del Comitat d’Entrepresa e estudiant de l’IEO31

Mai d’informacions

→ Medià: Lo Macron dins PIF, la Schiappa dins Play Boy. Lèu, la Bornes presentarà los projèctes de reforma dins L’Homme Moderne e lo TV-crompat d’una cadena 24/24H. Lo Darmanin tendrà una cronica sus las armas dins Wapiti e la ministra de la Cutura, ela, un dossièr mesadièr dins Voici e Closer....
 
→ Medià/Premsa escricha: Las darrièras chifras: las vendas son pas a créisser... Curiós.
 
→ Medical 1: Los “TMS” (Trebols musculoesqueletics), els, son a créisser en çò de las fòrças (dichas) de l’òrdre. D’unes se planhon de las cadenças: “Nos cal tutar lo dòble que non pas amb Sarkozy!”
 
→ Medical 2: Semblariá, sorça anònima, que los traumatismes cranians seriàn mai nombroses, ongan...
 
→ Medià/Premsa escricha: A demisionat lo conilh de Play Boy: “Èri un simbòl de las estàrs internacionalas pas de los politics...”
 
→ Medià/TV: Una còla de grevistes an clavat las sourças d’informacions de BFM TV... Esperatz! ... E ben, non, pas res en rapòrt amb los grevistas: Es lo contengut costumièr de la cadena...
 
→ Meteo: Agachatz vos a la meteo! Après una onda de frech per l’ivèrn, una de pluèja per la prima, benlèu, saique, eventualament, i aurà una onda de calor per l’estiu (sorça: Meteo France e lo cafè del comerçi)
 
→ Cultura/Cinèma: Es a man de sortir lo novèl episòdi de Stars Wars. Lo Dark Vadòr serà ajudar per un personatge novèl del costat escur de la fòrça (de l’òrdre): Lo Dark Manin.
 
→ Economia: Per lo CAC40, lo cash flow es a despasar lo de l’an passat, mercés a l’EBIT, al BPO e a l’IPR que creisson. Donadas de l’IRE sus los CA de las ABR per la FY passada. Es una bona novèla per lo ROI abans las VAT.
 
→ Sociologia: Son nulasses los franceses en economia: Fan pas d’esfòrçes.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

JM
1.

Mèdias occitanistas : Tot que hè vente. Si v'avetz guardat la lista de las crompas de dissabte, enviatz-la a la redaccion au mei viste! Que va lèu paréisher en la rubrica opinion.

  • 6
  • 3

Escriu un comentari sus aqueste article