Bandièra01 1180x150: Comuna de Tolosa

Opinion

Occitània tèrra d’exotisme per totas las classas socialas

| gites-vallee-dordogne.com
Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions

De rics sus las mars occitanas, Mediterranèa e Atlantica, e mai en Leberon, Dordonha - Perigòrd. Ok. Classic.

Las classas mejanas parier que fan de campatge. Gòrjas de Verdon, passeaias sus Garona... Idem.

Mas los New age trobèron tanben lor plaça en Occitània per s’i installar.

Alps d’Auta Provença. Ardescha. Losera.

Luec de ressorsament, tendas de suacion, litoterapia, massatges energetics indians, o mai antics! egipcians. Tot es possible malgrat los impòstes. Sio ieu que sabo e vos que sabètz ren, estressats ciutadins, anatz bancar per èstre mai leugiers. En problèmas (e en sòus mas chut!).

Las tisanas de mairegrand son ringardas, mas de mòda quora an un nom exotic, Namaste ram bim bam. Tan qu’es pagant! Lo fromai de cabra al revenge, rèsta dal país. Fa gaire indian ni fen shui. Ba non. Puslèu amerindian! Gardarem al mens aquò etiqueta dal país, lo Banon. Galejo qu’a mitat.

E parlam ren de las sèctas o la version leugiera, lo grop de vita en comun. Agachatz lo film Problemos.

L’armaia i es ren de rèsta amb Canjuers, Larzac, lo Plan dau Bion...

Pareisse que los islamistas entorn dal grop dal terrorista Merah s’entrainavan dins los cantons pireneencs pròches de Tolosa.

Vos dio, Occitània es una ària de juec per totes. Talament exotik! E tac.

...

E bom.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article