CAPÇALERA2: FAI-TE SOCI

Jornalet, gaseta occitana d'informacions

Dissabte, 20 d'octòbre

Actualitats

Dijòus, 14 de genièr de 2016, 03h00 Societat,Escòla,Cultura

Lengadòc > Lengadòc Bas > Besierés

Distincion per l’ensenhament public de l’occitan

Lo Ministèri de la Cultura francés a autrejat la medalha de Cavalièr de las Arts e de las Letras a Maria-Joana Verny e a Felip Martèl


Comentaris 12 comentaris    
Marrit Flac Bon Plan bon Fabulós (13 vòtes)
carregant En cargar


Lo Ministèri de la Cultura francés autregèt lo 8 de genièr passat, a Maria-Joana Verny e a Felip Martèl, la medalha de Cavalièr de las Arts e de las Letras. Los professors e activistas de la Federacion dels Ensenhaires de Lenga e Cultura d’Òc (FÈLCO) recebèron aquela distincion coma reconeissença per lor prètzfach dins l’ensenhament e la recèrca de la lenga occitana. “Ai pas ren demandat, mas l’accèpto en pensant qu’en delai de ieu, ven als ensenhaires e cerchaires en domeni occitan, e encara, en delai, a totes los actors de la cultura d’òc que vai aquela reconoissença”, çò declarèt Martèl a Jornalet.
 
La ceremònia se faguèt a Besièrs, dins la sedença del CIRDÒC, la mediatèca e centre de desvolopament de l’occitan, que 40 après sa fondacion, classa, archiva e documenta tot lo material liat a la nòstra lenga e la nòstra cultura. “Soi aürosa que nos siá rendut al CIRDÒC, aquel onor, aquel luòc magnific de vida e de cultura”, çò diguèt Verny dins son discors, en tot definir lo luòc aital: “[es] un exemple de mon espèr de veire nòstra lenga e nòstra cultura prene la plaça publica que s’ameritan”.
 
“S’aboliràn pas, ailàs, las annadas d’umiliacion, tornaràn pas als nòstres la dignitat que lor raubèron en los pregar de pausar a la pòrta de l’escòla la lor lenga amb lors esclòps fangoses. Mas demòran vivas, las nòstras lengas, en França. Las an pas encara tuadas, son aquí, tot pròche, dins la memòria del mond e dins çò que s’apèla la competéncia passiva. Vivon dins la creacion, la literatura, la musica, lo teatre, lo cinèma, mas lor manca l’encastre social public ont se poguèsson ausir e parlar en dignitat”, çò apondèt Verny.
 
En mai d’aquò, Martèl reconeguèt a la redaccion de Jornalet qu’esperava quicòm mai qu’aquela distincion del Ministèri de la Cultura. “De nòstre ministèri de tutèla esperàvem que melhorèsse la situacion de l’ensenhament de l’occitan dins lo public, de la mairala e a l’universitat, çò qu’es pas evident amb sa reforma dau collègi. Una politica d’ofèrta venent d’el pertot sus tot l’espandi occitan, sens eissubliar la diaspòra parisenca, auriá vaugut totas las medalhas”.
 
 

Chevaliers des Arts et des Lettres per france3midipyrenees
 
 

 

Un còp èra… una dròlla de païsans del Cantal qu’ausissiá doas lengas a l’ostal, sens aver cap de consciéncia que i podiá...

Posted by Marie Jeanne Verny on dissabte, 9 / gener / 2016







publicitat



Comentaris

16 de genièr 09.19h

Dins La Festa , Robert Lafont escriviá "N'i a que i van e n'i a que son sempre per i anar!" Basta de pas oblidar aquò. Felip e Maria Joana fuguèron, son e seràn d'aquelei que i van e que i van de lònga, amb lo capuditge necessari per faire avançar pauc a cha pauc la causa de la lenga, amb tot lo trabalh fach dins lei classas per lei colègas. Capèu bas !
Segur que voudriám "qu'aquela puta d'estat… bla bla bla" mai la realitat es la realitat e l'amarum fa pas gaire avançar lo carret... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

15 de genièr 22.50h

Felicitacions Marie-Jana e Felip per aquera madalha plan meritada. L'estat balha aquiu un simbèu fòrt de reconeishénça de la lenga e aquò qu'ei dejà rede importent. E jo, personalament, que vos disi a tots dus un gran mercés peu vòste trabalh acarnassit entà la promocion e la defénça de l'ensenhament de l'Occitan.


Valoriza aqueste comentari:   votar positiu 12   votar negatiu 1
Respondre comentari replica Comentari inadeqüat   Formulari d'abús de comentari

15 de genièr 08.22h

Un grand merces à MJ e Felip pel lor vas que nos permet de contunhar de nos batre par nostra plaça dins l'escola publica, l'escola de totes ! Lor umanisme sincère me toca prigondament


Valoriza aqueste comentari:   votar positiu 25   votar negatiu 2
Respondre comentari replica Comentari inadeqüat   Formulari d'abús de comentari

14 de genièr 21.47h

Anciana estudianta de Maria-Joana e Felip, lor disi mercés.
De medalha, ne doni pas, mas an mon admiracion, ma reconeissença e mon amistat.

Basta trobessiam mai sovent de mond de la qualitat de Maria-Joana e Felip !


Valoriza aqueste comentari:   votar positiu 35   votar negatiu 9
Respondre comentari replica Comentari inadeqüat   Formulari d'abús de comentari

14 de genièr 21.33h

“De nòstre ministèri de tutèla esperàvem que melhorèsse la situacion de l’ensenhament de l’occitan dins lo public, de la mairala e a l’universitat, çò qu’es pas evident amb sa reforma dau collègi. Una politica d’ofèrta venent d’el pertot sus tot l’espandi occitan, sens eissubliar la diaspòra parisenca, auriá vaugut totas las medalhas” E òc, sénher Martèl. mas sèm jos la dictatura financiarista d'Euròpa e non cal pas somiar. Sempre mai lor agradarà la solucion ... Legir mai


Valoriza aqueste comentari:   votar positiu 5   votar negatiu 3
Respondre comentari replica Comentari inadeqüat   Formulari d'abús de comentari

14 de genièr 21.31h

Lo Ministèri de la Cultura francés a autrejat la medalha de Cavalièr de las Arts e de las Letras a Maria-Joana Verny e a Felip Martèl : quina ipocrisia e quin cinisme, de la part d'aquela santa puta d'estat centralista, colonialista e exterminator de pòbles !


Valoriza aqueste comentari:   votar positiu 15   votar negatiu 9
Respondre comentari replica Comentari inadeqüat   Formulari d'abús de comentari

14 de genièr 20.44h

#5 Aimi melhor la reconeissença de la part de las personas que me respèctan.


Valoriza aqueste comentari:   votar positiu 9   votar negatiu 25
Respondre comentari replica Comentari inadeqüat   Formulari d'abús de comentari

14 de genièr 16.35h

Al mens eles l'an meritada aquela reconeissença !


Valoriza aqueste comentari:   votar positiu 41   votar negatiu 9
Respondre comentari replica Comentari inadeqüat   Formulari d'abús de comentari

14 de genièr 16.33h

#3 cresi que cal pas mesclar tot e son contrari.
Empacha pas de luchar...
Reconeissença d'un trabalh que fa dintrar l'occitan e sos passaires dins una oficialitat.
Calriá que n'i aguèsse maites
Los recipiendaris son pas pro ninòis per se daissar apasimar amb de besucarietas.


Valoriza aqueste comentari:   votar positiu 40   votar negatiu 8
Respondre comentari replica Comentari inadeqüat   Formulari d'abús de comentari

14 de genièr 14.15h

Fa qualques meses d'unes volguèron pas manifestar a Montpelhièr a causa d'una possibla politizacion. A París dins los ministèris fan pas de politica. Fan de repression lingüistica. Sens consciéncia politica i aurà pas cap d'avenidor per Occitània. Podèm veire la diferéncia amb Corsega.


Valoriza aqueste comentari:   votar positiu 28   votar negatiu 29
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Mercés plan!

Amb aqueste editorial, la còla de Jornalet vòl mercejar sos legeires, car an reüssit a assegurar l’existéncia d’aqueste quotidian en linha almens fins a l’an ...
giny

Lo temps

Mapa
  • sol Agen 23 7
  • nuvols_parcials Aush 24 9
  • sol Bordèu 23 10
  • sol Briançon 19 3
  • sol Caors 23 8
  • sol Carcassona 22 9
  • sol Clarmont-Ferrand 20 4
  • sol Confolent 23 9
  • sol Gap 23 9
  • sol La Canau 23 10
  • sol La Gàrdia 19 9
  • sol La Torre de Pèlitz 22 10
  • sol Limòtges 23 9
  • nuvols_parcials Lo Borg Sant Dalmatz 22 11
  • sol Lo Puèi de Velai 18 4
  • sol Marselha 24 14
  • sol Montpelhièr 23 15
  • nuvols Naut Aran 21 8
  • sol Niça 16 4
  • sol Nimes 24 14
  • sol Pau 23 10
  • sol Peireguers 23 9
  • sol Rodés 24 7
  • sol Tolon 24 13
  • sol Tolosa 23 10
  • sol Valença 19 7

giny

giny

Vidèos

giny

giny

publicitat

lateral 2 teveoc

Entrevista

Es una militància que fa viure Aquò d’aquí

Michèu Neumuller Cap-redactor d'Aquò d'Aquí

Es una militància que fa viure <em>Aquò d’aquí</em>
publicitat

LATERAL1 300X250: radio pais



publicitat

lateral 2 teveoc

Fotografias

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Inauguracion de la Sala Claudi Molinièr a Besièrs

  • © Josep Carpintero

    Presentacion dera ANC Val d'Aran en Vielha, 28/12/2013

  • © Franc Bardòu

    Tèrra albigesa

  • © Laurenç Revèst

    Las Cevènas, Barjac en Val de Cese

  • Coserans: Sent Líser, Casavèth, Sent Guironç, Saurat...

  • Ciutat de Draoníer. © Cristòu Daurore

    Ciutat de Draoníer (Val Maira)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Auribeu de Sianha

  • © Franc Bardòu

    Catalonha etèrna

  • © Conselh Generau d'Aran

    Lo Torn de França 2016 en Aran

  • Beneset Thauvin

    Concors de preseps, betlèms o grépias

  • © Franc Bardòu

    Tèrra albigesa

  • Niça vièlha en occitan niçard. © LR

    Niça vièlha en occitan niçard

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Franc Bardòu

    País Bordalés

  • Lo grand passacarrièra de Rodés. Occitan Pride 2013

  • Estivada 2013. © Guillem Sevilla

    Estivada 2013

giny

Las mai...

publicitat

LATERAL1 300X250: radio pais

giny

Sondatge

Creses que l'occitanisme se pòt reviscolar?


53%



9%



17%



16%



5%




Vots 152 vòtes

comentaris 5

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)