Actualitats
Lo plan d’accion del govèrn Catalonha devèrs l’independéncia
Lo president de la Generalitat de Catalonha en foncions, Quim Torra, faguèt dimars passat una conferéncia ont remarquèt l’importància de la mobilizacion sociala
Lo president de la Generalitat de Catalonha en foncions, Quim Torra, diguèt dimars passat una conferéncia al Teatre Nacional de Catalonha entitolada "Nòstre moment", ont precisèt son accion de govèrn per obténer "que Catalonha vengèsse un estat independent jos forma de republica", en ramentant ansin l’enonciat de la question pausada suls bulletins de vòte del referendum d’independéncia del 1r d’octòbre d’arunan.
D’efièch, Torra afirmèt qu’aquel referendum èra lo ponch de partença de son mandat, ansin coma la cauma generala del 3 d’octòbre qu’aviá paralisat lo país e la "declaracion politica d’independéncia".
Per Torra, per arribar a l’independéncia es necite un autre referendum, aqueste còp pachat amb l’estat e que siá juridicament constrenhent, coma los que se faguèron en Quebèc e en Escòcia, sens menaças de part de l’estat espanhòl. Per o far, demanda al president del govèrn espanhòl qu’accèpte de negociar.
Un forum civic, social e constituent
Mentretant, Torra sollicita la mesa en plaça d’un "forum civic social e constituent" amb la tòca de "promòure lo debat constituent en Catalonha amb l’ambicion de daverar la participacion maximala de la societat, per que cada ciutadan que i participe se senta el meteis lo subjècte politic constituent". Torra precisèt pas cap de detalh sul foncionament d’aquel forum, mas ajustèt que deuriá èsser capable de començar a "pensar, debatre e elaborar las primièras basas e los principis generals del modèl de país de la republica que prepausam".
Una granda marcha pels dreches civils, socials e nacionals
Lo president remarquèt tanben l’importància de la mobilizacion sociala que s’es manifestada fins ara dins lo procès d’independéncia, e lo fach que siá un movement transversal que representa maites sectors de la societat. Dins aquel sens, prepausa que desenant la mobilizacion se centre sus "una marcha pels dreches civils, socials e nacionals de Catalonha" que comence ara e que se perlongue entrò lo moment que se prononciarà las senténcias" dels jutjaments dels presonièrs politics.
A prepaus d’aqueles jutjaments, que devon començar aquesta rintrada: "Nos resignam pas a de senténcias injustas que portaràn solament la dolor, mai de conflicte e mai de repression. Pòdi pas acceptar cap d’autra senténcia que l’aquitament total. S’es pas aital, estudiarai las decisions que caldrà prene e me metrai a la disposicion del pòble a travèrs de sos representants legitims del parlament", çò precisèt.
Podètz veire tota la conferéncia dins lo vidèo seguent:
D’efièch, Torra afirmèt qu’aquel referendum èra lo ponch de partença de son mandat, ansin coma la cauma generala del 3 d’octòbre qu’aviá paralisat lo país e la "declaracion politica d’independéncia".
Per Torra, per arribar a l’independéncia es necite un autre referendum, aqueste còp pachat amb l’estat e que siá juridicament constrenhent, coma los que se faguèron en Quebèc e en Escòcia, sens menaças de part de l’estat espanhòl. Per o far, demanda al president del govèrn espanhòl qu’accèpte de negociar.
Un forum civic, social e constituent
Mentretant, Torra sollicita la mesa en plaça d’un "forum civic social e constituent" amb la tòca de "promòure lo debat constituent en Catalonha amb l’ambicion de daverar la participacion maximala de la societat, per que cada ciutadan que i participe se senta el meteis lo subjècte politic constituent". Torra precisèt pas cap de detalh sul foncionament d’aquel forum, mas ajustèt que deuriá èsser capable de començar a "pensar, debatre e elaborar las primièras basas e los principis generals del modèl de país de la republica que prepausam".
Una granda marcha pels dreches civils, socials e nacionals
Lo president remarquèt tanben l’importància de la mobilizacion sociala que s’es manifestada fins ara dins lo procès d’independéncia, e lo fach que siá un movement transversal que representa maites sectors de la societat. Dins aquel sens, prepausa que desenant la mobilizacion se centre sus "una marcha pels dreches civils, socials e nacionals de Catalonha" que comence ara e que se perlongue entrò lo moment que se prononciarà las senténcias" dels jutjaments dels presonièrs politics.
A prepaus d’aqueles jutjaments, que devon començar aquesta rintrada: "Nos resignam pas a de senténcias injustas que portaràn solament la dolor, mai de conflicte e mai de repression. Pòdi pas acceptar cap d’autra senténcia que l’aquitament total. S’es pas aital, estudiarai las decisions que caldrà prene e me metrai a la disposicion del pòble a travèrs de sos representants legitims del parlament", çò precisèt.
Podètz veire tota la conferéncia dins lo vidèo seguent:
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Car amic Torra, tot açò està molt ben, e ja mos han dit que Non. Quan tengas una idea nova teva e non de Puigdemond, ja mos ho diràs. Entre tant, la veu de son amo ja l' havem escoltada prou. Non mos fassas perdra mai temps, me fan mal las orellas e lo cap de tant de repetir-te.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari