Bandièra01 capçalera  1180x150: Botiga

Actualitats

Hong Kong: un pròchinés a atacat amb un cotèl divèrses manifestants

E mai a arrancat un tròç d'orelha d'un elegit amb una mossegada

Lo conselhièr del Partit Democrata Andrew Chiu, l’assalhidor li derrabèt un tròç d’orelha amb una mossegada
Lo conselhièr del Partit Democrata Andrew Chiu, l’assalhidor li derrabèt un tròç d’orelha amb una mossegada | Elson Li / AP
Una nòva protèsta dels activistas pròdemocracia a Hong Kong s’es acabada amb un bilanç de plusors personas nafradas, dont una dins un estat plan grèu. Aqueste dimenge, avián cridat a s’acampar assetats dins los centres comercials, mas foguèron lèu atacats e dispersats per la polícia.
 
Dins un d’aqueles centres comercials, lo Cityplaza de Tai Koo, un òme pròchinés agarriguèt amb un cotèl mai d’una persona. Qualques manifestants ensagèron de l’arrestar, dont lo conselhièr del Partit Democrata Andrew Chiu, que l’assalhidor li derrabèt un tròç d’orelha amb una mossegada. Un manifestant enregistrèt en vidèo aquela agression:
 
 
Enfin, la molonada linchèt l’agressor del temps que las personas escoteladas èran menadas a l’espital.
 
Aquesta es la vint e dosena setmana de protèstas a Hong Kong, que manten un braç de fèrre amb las autoritats localas e China per obténer de reformas democraticas.
 
 
 
 
 
abonar los amics de Jornalet

 
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
2.

Lo conselher del auto anomenat Partit Democrata Andrew Chiu s'a quedat sense orelha, crida l'atencion que porta una camisete del madrid. Es curiós oi ?

  • 3
  • 0
V per Vendetta
1.

Aquí un bon element de recrutar per la B.A.C.

  • 6
  • 0

Escriu un comentari sus aqueste article