Actualitats
Generacion Identitària dissolguda pel Conselh dels ministres francés
Considèran qu’es una organizacion paramilitara qu’incita a l’òdi
Lo conselh dels ministres de l’estat francés a dissolgut l’organizacion Generacion Identitària coma organizacion paramilitara qu’incita a l’òdi. “Aquela associacion e d’unes de sos militants se deu veire que tenon un discors d'òdi qu’incite a la discriminacion o a la violéncia envèrs d'individús en rason de lor origina, de lor raça e de lor religion”, çò ditz lo decret de dissolucion signat pel ministre de l’Interior Gérald Darmanin. Lo decret considèra que l’organizacion dissolguda aviá “lo caractèr d’una milícia privada”.
Lo decret de dissolucion mençona pereu de “ligams amb de gropusculs d’ultradrecha dels quals recep un sosten logistic e que defendon una ideologia que crida a la discriminacion, a la violéncia o a l’òdi al nom de teorias racialistas o supremacistas”. Soslinha que l’associacion a recebut de dons de Brenton Tarrant, l’autor de l’atemptat terrorista contra doas mosquetas a Christchurch, en Nòva Zelanda, amb un tragic bilanç de 51 mòrts e d’un grand nombre de nafrats.
Sosten de Marine Le Pen
Ara, amb lo sosten de l’extrèma drecha de Marine Le Pen, Generacion Identitària es a alestir una contraofensiva judiciària per abús de poder contra la libertat d’expression.
D’accions antimigrants
Demest sas darrièras accions, Generacion Identitària a organizat d’accions sus doas frontièras interoccitanas per “barrar la rota” als migrants. Atal s’installèron suls ponches frontalièrs entre Comenge e Aran en genièr passat e fa dos ans sul còl de l’Eschala, ont i a una frontièra politica que separa Briançonés e la Val d’Ors. Tanben se gandiguèron en Grècia per empachar l’intrada dels refugiats e ensagèron de boicotar los salvaments dels refugiats en Mediterranèa.
De joves ultranacionalistas franceses islamofòbs
L’organizacion xenofòba es fòrça activa al nivèl nacional a Tolosa, Montpelhièr e Niça. Al nivèl estatal tanben se manifèstan fòrça activament a Lion e Lilla. En octòbre de 2018, un reportatge de 100% Radio analisava qui èran los membres del grop xenofòb a Tolosa.
Lo retrach mostrava de joves ultranacionalistas franceses e pròcultura europèa. Opausats al multiculturalisme, totes an en comun lor refús de la religion musulmana e dels estrangièrs. Veson la violéncia politica coma quicòm de normal e la justifican coma “d’autodefensa”.
Lo decret de dissolucion mençona pereu de “ligams amb de gropusculs d’ultradrecha dels quals recep un sosten logistic e que defendon una ideologia que crida a la discriminacion, a la violéncia o a l’òdi al nom de teorias racialistas o supremacistas”. Soslinha que l’associacion a recebut de dons de Brenton Tarrant, l’autor de l’atemptat terrorista contra doas mosquetas a Christchurch, en Nòva Zelanda, amb un tragic bilanç de 51 mòrts e d’un grand nombre de nafrats.
Sosten de Marine Le Pen
Ara, amb lo sosten de l’extrèma drecha de Marine Le Pen, Generacion Identitària es a alestir una contraofensiva judiciària per abús de poder contra la libertat d’expression.
D’accions antimigrants
Demest sas darrièras accions, Generacion Identitària a organizat d’accions sus doas frontièras interoccitanas per “barrar la rota” als migrants. Atal s’installèron suls ponches frontalièrs entre Comenge e Aran en genièr passat e fa dos ans sul còl de l’Eschala, ont i a una frontièra politica que separa Briançonés e la Val d’Ors. Tanben se gandiguèron en Grècia per empachar l’intrada dels refugiats e ensagèron de boicotar los salvaments dels refugiats en Mediterranèa.
De joves ultranacionalistas franceses islamofòbs
L’organizacion xenofòba es fòrça activa al nivèl nacional a Tolosa, Montpelhièr e Niça. Al nivèl estatal tanben se manifèstan fòrça activament a Lion e Lilla. En octòbre de 2018, un reportatge de 100% Radio analisava qui èran los membres del grop xenofòb a Tolosa.
Lo retrach mostrava de joves ultranacionalistas franceses e pròcultura europèa. Opausats al multiculturalisme, totes an en comun lor refús de la religion musulmana e dels estrangièrs. Veson la violéncia politica coma quicòm de normal e la justifican coma “d’autodefensa”.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#13 Ja! Que diserén que vs'esnervia, la dissolucion de GI !
çò remirable es que setz e anatz èsser de mai en mai los conhols de çò que, dreches quilhats dins vòstres patisces avetz ajudats a botar en plaça.
Es un moment gausisent de flame qualitat.
Enjauritz que setz o vesetz brica, aquò rai l’anatz beure la menestra alestida ambe son sap aspre. Cap de plaça per l’occitan pauròts ! Podetz far mina de jogar mas far bel temps que setz pus dins lo jòc !
#11 Òc. Mès me fa ben rire d'occitanofònes que se dison contra lo multiculturalisme. Es un pauc tant coma un cantaire que detestaria cantar...
#8 E seré possible de discutir ací shens se servir de qualificatius com "fascista" o "franquista" taus qui son de un aute punt de vista ?
#9 Lo lor quite avocat, Goldnadel, qu'a reconegut que se n'i avè pas avut nat acte de cometut per l'organizacion com tau, que i avè avut, per contra, mei d'un acte de violéncia racista de cometuts per membres sons. Que'm brombi qu'un còp un escabòt d'identitaris agredín un african a Niça e'u panèn lo telefonet. Se voletz referéncias, cercatz-las-vse, a jo ne'm vaga pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari