La societat de produccion Piget festejarà lo 4 de junh sos 20 ans d’activitat amb una serada especiala a La Forêt Électrique, a Tolosa. Jos la devisa “20 ans quò’s pas res”, la còla vòl partejar amb lo public las annadas d’aventuras e de creacions qu'an marcat lor camin.

Fondada en 1999 per Amic Bedel, Piget s’es especializada dins los projèctes audiovisuals en occitan, amb una larga paleta que va dels documentaris als cortmetratges de ficcion, dels clips musicals a las pèças de teatre e de dança, sens desmembrar los collectatges etnologics. Demest los títols mai coneguts figuran Camina o La Seria, e la còla anóncia qu’es ja a trabalhar sus de projèctes novèls.

Reconeguda per sa rigor e sa creativitat, Piget se destria tanben per una estetica audaciosa e una exigéncia de qualitat, que fan d'ela una referéncia dins l’univèrs audiovisual occitan. Estacada  la cultura occitana mas dobèrta a las influéncias internacionalas, Piget es a l’ora d’ara un actor clau, capable de portar l’occitan dins de produccions contemporanèas e de qualitosas.

Dempuèi 2005, Piget trabalha regularament en coproduccion amb France Télévision, çò que li permet de donar mai de visibilitat a sos projèctes. Aquesta serada d'anniversari serà doncas l'escasença de far un bilanç, mas tanben de mostrar que l’energia creativa de Piget demòra intacta e dirigida vèrs l’avenir.

 

 

 

 

 

View this post on Instagram

 

 

 

 

 

 

 

 

 

 

 

A post shared by PIGET FILMS (@pigetfilms)