Bandièra01 1180x150: Comuna de Tolosa

Actualitats

Mumia Abu Jamal, mai de mièja vida en preson

Es un dels presonièrs politics mai coneguts dels Estats Units. Ara qu’a fach seissanta ans, una jornalista francesa a capitat de li parlar pendent doas minutas

Lo jornalista Mumia Abu Jamal, membre de l’organizacion afroamericana de las Pantèras Negras, foguèt detengut en 1981, acusat de l’assassinat del policièr Daniel Faulkner. Après un procès plen d’irregularitats, foguèt condemnat a la pena capitala l’an seguent, una senténcia que la li cambièron, en 2011, per l’empresonament a perpetuitat. La setmana passada faguèt seissanta ans, que mai de la mitat los a passats embarrat. Una jornalista de France Culture li poguèt parlar.
 
Nadine Epstain, amb un dels nombroses collectius de sosten a Mumia, lo vesitèt dins la preson de Mahanoy (Pensilvània), ont poguèt conversar amb el brèvament per telefòn. Dins l’entrevista, de doas minutas, Mumia confèssa que pensa encara a l’avenir, pas al sieu personal, mas al de son país e del Mond.
 
“Cresi”, çò diguèt, “que dins mon país cal un sistèma completament nòu, radicalament desparièr, basat suls dreches umans, que son vitals e fondamentals. [...] La pauretat es pertot, dins mon país e pertot, e la majoritat de las gents patisson. Aquò deu pas èsser aital, pòt pas contunhar d’aquela manièra, cal que càmbie e que i aja d’esperança. Lo sistèma politic e economic se deu transformar abans la catastròfa.” E apondèt: “Avèm un sistèma qu’aperten als rics, que pren pas en compte ni los paures ni la majoritat de las gents als Estats Units. E per aquò lo nòstre trabalh deu èsser de nos mainar dels desmembrats, donar la paraula als qu’an pas la possibilitat de parlar o d’èsser escotats, coma los presonièrs, los mai desfavorits…”


Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
1.

Paure ciutadan ! Es tracatat als Estats Units d'America coma un presonièr politic abertzale dins la republica francesa o dins lo reialme d'Espanha ! Se plasenta pas gaire amb l'òrdre establit.

  • 5
  • 0

Escriu un comentari sus aqueste article