Bandièra01 1180x150: Comuna de Tolosa

Actualitats

CaixaBank lance era carta “Era Forcanada” en collaboracion damb eth Conselh Generau d’Aran

| Conselh Generau d'Aran

Era banca a dessenhat ua carta damb un imatge cedit peth Conselh Generau d’Aran d’un des principaus atractius dera Val d’Aran. Era Forcanada, o Malh des Pois, ei un des tucs mès famosi deth país. Era carta se pòt comanar en quinsevolh des 5600 burèus qu’intègren eth hilat de CaixaBank en estat espanhòu.


CaixaBank a lançat en collaboracion damb eth Conselh Generau d’Aran ua carta damb er imatge dera Forcanada. Er imatge a estat cedit peth Conselh Generau d’Aran damb er objectiu doble d’arribar a toti es ciutadans e vesitaires dera Val d’Aran e de contribuir ara promocion dera Val, pr’amor qu’es cartes se poderàn demanar en quinsevolh des 5600 burèus qu’intègren eth hilat de CaixaBank en estat espanhòu.
 
Era carta “Era Forcanada” s’ei presentada en Conselh Generau d’Aran peth sindic d’Aran, Carlos Barrera, pera conselhèra deth torisme, comèrç e consum, Anna Díaz, e peth director d’airau de negòci de CaixaBank enes Pirenèus, Jordi Nisarre. Aguest darrèr a remercat era satisfaccion que supause entà CaixaBank collaborar ena difusion d’un des trèts d’identitat dera Val d’Aran. Nisarre a hijut qu’“aguesta carta contribuirà a divulgar un des grani referents toristics deth Pirenèu damb ua personalitat unica e singulara”.
 
Era carta “Era Forcanada” aufrís ua vision deth Malh des Pois. Segons era conselhèra Anna Díaz, “aguesta mesura servís entà promòir era Val d’Aran qu’ei un territòri de nauta montanha que destaque pera sua beresa païsatgistica. Damb eth certificat Biosphere e era participacion as prèmis National Geographic World Legacy Awards, se mos arreconeish eth trabalh realizat en desvolopament sostenable dera activitat toristica”. Ath delà d’aguest imatge, era colleccion poderie incrementar-se damb era incorporacion de naui modèls.
 
 
 
 
Conselh Generau d’Aran
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Clapassièr Malh das abats (Montpelhièr)
1.

Òsca a la Caixa.

P.S. : de prononciar a la catalana ['kajSa] (Caisha) e pas coma l'ausiguère un còp : [kai'ksa] (Kayksà).

  • 2
  • 0

Escriu un comentari sus aqueste article