Actualitats
Bordèu: un estadi ‘‘Lo Gascon’’?
Pendent un sondatge en linha prepausat per lo quotidian Sud-Ouest, los internautas an preferit “Lo Gascon”.
La ciutat gascona de Bordèu es a bastir un nòu estadi. Començadas lo 4 de novembre de 2012, las òbras se devon acabar lo 30 d’abril de 2015.
Se l’estadi actual, bastit en 1924, pòrta despuèi 2001 lo nom del resistent gaullista, deputat-cònsol bordalés e primièr ministre francés Jaume Chaban-Delmàs (1915-2000), las nòvas installacions esportivas son encara anonimas.
Per aiçò lo quotidian Sud-Ouest prepausèt a sos lectors internautas un sondatge en linha per trobar un nom a l’estadi nòu. Lo jornal faguèt sas propòstas en seguir lo principi del naming, valent a dire que lo nom aviá d’èsser lo d’una entrepresa, en principi emblematica de la vila. Ansin lo 18,7% votèron en favor de Marie Brizard, una societat de Bordèu que produtz d’alcòls despuèi 1755, lo 22,4% causiguèron Cacolac, que fabrica de bevendas lachadas dins la vila despuèi 1954... e la majoritat, lo 26,3%, s’estimèron mai Lo Gascon [Lou Gascoun], una entrepresa de pastisses de carn que, malgrat sa creacion a la fin de la Segonda Guèrra Mondiala a Nerac, en Labrit, s’assòcia despuèi longtemps a la gastronomia bordalesa.
Una question se pausa alara: malgrat la fantasiá del sondatge en linha que se voliá umoristic, se lo nom clarament occitan e l’evocacion explicita de la gasconitat joguèron un ròtle preeminent dins la preferéncia d’aquesta marca? Aquò mostrariá benlèu que lo combat per la cultura nòstra es pas perdut dins la ciutat gascona. Afar de seguir...
Se l’estadi actual, bastit en 1924, pòrta despuèi 2001 lo nom del resistent gaullista, deputat-cònsol bordalés e primièr ministre francés Jaume Chaban-Delmàs (1915-2000), las nòvas installacions esportivas son encara anonimas.
Per aiçò lo quotidian Sud-Ouest prepausèt a sos lectors internautas un sondatge en linha per trobar un nom a l’estadi nòu. Lo jornal faguèt sas propòstas en seguir lo principi del naming, valent a dire que lo nom aviá d’èsser lo d’una entrepresa, en principi emblematica de la vila. Ansin lo 18,7% votèron en favor de Marie Brizard, una societat de Bordèu que produtz d’alcòls despuèi 1755, lo 22,4% causiguèron Cacolac, que fabrica de bevendas lachadas dins la vila despuèi 1954... e la majoritat, lo 26,3%, s’estimèron mai Lo Gascon [Lou Gascoun], una entrepresa de pastisses de carn que, malgrat sa creacion a la fin de la Segonda Guèrra Mondiala a Nerac, en Labrit, s’assòcia despuèi longtemps a la gastronomia bordalesa.
Una question se pausa alara: malgrat la fantasiá del sondatge en linha que se voliá umoristic, se lo nom clarament occitan e l’evocacion explicita de la gasconitat joguèron un ròtle preeminent dins la preferéncia d’aquesta marca? Aquò mostrariá benlèu que lo combat per la cultura nòstra es pas perdut dins la ciutat gascona. Afar de seguir...
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1
Òc-ben, l'estadi novèl de Bordèu se poiriá sonar lo KIA estadi, o benlèu M6 estadi o encara l'estadi Pichet immobilièr ? Tot fa ventre ... Lo Rai a Niça revertava a un vertadièr estadi de fotbòl (''a l'anciana'', çò dison). I aviá un èime. Tot lo contrari de l'estadi novèl que reverta mai a un supermercat. Aürosament que i a encara d'ambient ça que la. Çò segur, tot es pas perdut a Bordèu pr'amor qu'i a encara una consciéncia gascona e occitana. Aquò comença de se conéisser, mercés al trabalh que fan las associacions occitanas de Bordèu.
Lo "naming" : segur que dambe un mot anglés, passa milhor au près deu public. Lòl !
Nautres tamben avèm augut totplen d'articles per si demandar cen que serà lo nom de l'estàdi noù de Nissa.
Fins finala, à Bordèu coma à Nissa, non vi faire de bila, van faire la nemaiada ("naming") per lo vendre a una marca comerciala...
Alora, pas d'esper, si soanerà pas "Lo gascon", coma nautres aviavam esperat "Garibaldi", mas puslèu "SFR", ò pièger, au pais dau vin, una marca de birra coma "Heineken" :)
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari