Bandièra01 1180x150: Comuna de Tolosa

Actualitats

La Fabrica Aviva qu’invita los portaires de projèctes a depausar un dorsièr en linha entà gahar un finançament

Un milions d’èuros totun que son en jòc entà sostiéner las idèas navèras

| Aviva
Innovacion, dab la Fabrica Aviva, iniciativa de mecenatge de l’asseguraire Aviva que clava aqueth 20 de heurèr lo tresau aperet a projècte util e innovant.
 
Suu sit de mecenatge de la Fabrica Aviva que podetz depausar un dorsièr, e qu’ei lo public qui votarà entà designar 140 finalistas, puish ua grana jurada nacionau dab jurada locaus que despartatjaràn tot aqueth monde d’ací au mes de junh. S’ètz retienuts, que poderatz encaishar entre 2000 e 85 000 èuros entà bastir lo vòste projècte. La Fabrica Aviva que vòu mei que mei sostiéner lo desvolopament de l’economia sociau e environamentau. Dinc adara, 400 projèctes que profieitèn d’ua ajuda financèra. Tà la gahar, que cau prumèr perpausar ua idèa innovanta, duradissa e qui aja un impacte positiu sus la comunautat... occitana?
 
 
 
 
Joan-Nadau Commeres
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ouxità
3.

òm pòt benlèu estar pragmatics o mèma cinics nosautes tanben, non?
Qu'ac sèi l'occitanisme qu'ei conhit de monde vertuós mes totun, gahar drin de sòus tà un projècte, qu'i podem pensar, non? N'ei pas panar!

  • 0
  • 0
Mèfi ! 31
2.

Le mecenatge es un biais de desfiscalizar un entrepresa per finançar de projèctes variats, tot coma las fondacions.
Es una forma de generositat o de caritat finançada per la collectivitat sens contraròtle de la collectivitat, que veicula un image positiu.
Aquò's una engana!

  • 2
  • 0
lachaud
1.

Mas de que se mela una assegurança? Me, tròba que paia tròp d'impòts. De mai paia una assegurança que fai d'argent sus nòstra eschina e que pòd se permettre de balhar daus milions per daus projects. Mas qual project?
Sem tot simplament dins un juec de monopoli menat per los poderos ente lo pus fòrt ganha. I a pus d'estat, pus de regulacion de las inegalitats e de las injustiças.
Ente la democracia? ente es la republica?

  • 3
  • 0

Escriu un comentari sus aqueste article