Bandièra01 1180x150: Comuna de Tolosa
Mòstra totes los opinants

Opinion

Sèrgi Granièr

Sèrgi Granièr

Sèrgi Granièr es originari d’un vilatge a 50 km de Narbona. Ensenhèt lo castelhan en collègi e licèu. Venguèt a l’occitan quand arribèt a Narbona en 1970. Dempuèi, es apassionat per la lenga.
 
Faguèt una petita gramatica de l’occitan lengadocian, e ensenhèt de còps l’occitan en collègi, o, lo mai sovent, dins d’associacions, e qualques còps a l’Escòla Occitana d’Estiu de Vilanuèva d’Òlt.
 
Foguèt animator de la Seccion departamentala d’Aude de l’Institut d’Estudis Occitans de 1971 a 1976, quand lo sèti n’èra a Narbona, puèi al Cercle Occitan de Narbona.
 
Foguèt membre del conselh d’administracion de l’IEO, primièr president de la Seccion regionala de Lengadòc de l’IEO, membre del Conselh de la Lenga Occitana, e es membre del Conselh Linguistic del Congrès Permanent de la Lenga Occitana.
 
Collabora tanben sovent amb d’organismes, occitans o pas, per d’activitats d’interès occitan.
 
Tenguèt pendent 37 ans la cronica setmanièra en occitan o en francés Caireforc Occitan dins l’edicion narbonesa del jornal regional L’Indépendant.
 
Publica de còps que i a d’articles dins de revistas occitanas e autras.
 
S’interèssa mai que mai a la lenga occitana e son istòria, subretot per las mentalitats e lo biais de la veire e de la tractar al cors del temps.