Bandièra01 1180x150: Comuna de Tolosa

Opinion

Cronica de l’embilat: mas que deven la libertat de cadun?

Reinat Anfosso

Reinat Anfosso

Teatrista, compositor, òme de ràdio e liure pensaire. Naissut a Mónego dins una familha occitanofòna, es engatjat dins l’occitanisme e l’ecologia tre lo començament

Mai d’informacions
Lu servicis de la seguretat l’asperavan; quora, coma, dont, n’èran pas segurs, mas si devia debanar. E d’umans fuguèron ferits e amaçats, injustament. Amaçats per crear un clima de paur e d’òdi un còp de mai après lu atemptats de Charlie Hebdo en genier.  A part la plorança dau mond, n’an gaire fach per rassegurar lu abitants de Franca; Niça parier, de dont son anats rejónher lo jihad un vintenau de joves embarlugats per un senegalés de Sant Ròc —mòrt despí d’un raid francés en Siria—; crèpa bòia.
 
E lo govèrn qu’a fach? L’estat d’emergéncia renforçada, per 3 mes o bensai per l’eternitat, lo manteniment d’una man de fèrre, bèu regal de Calenas, lo dever d’anar votar au 2d torn per cu non votavas au 1r. Pareisse que li es un remèdi per lo colèra e minga per la pèsta bruna. Èri pròche d’esgarrar la mieu carta d’elector; cresi que l’an que ven ne’n resèrva d’autri dau mesme saquet; cresi que l’an que ven ne’n va pòrger de mai en mai de limits en cadun; serà lo regal de Flanby ai sieus subjèctes; minga aumentation de l’SMIG, minga centim de mai au mieu retir; minga libertat d’ensenhament per lu parlars locaus. Lu vielhs babachos jacobins dau Senat an dich de non, avii elegit FM pi en 2003 doi deputats socialistas a Niça, lo 1r còp Gallo e Colona: dont son aüra? Gallo a pilhat la tunica verda e Colona, lo paire d’Ivan, s’es retirat a Carghjese.
 
Lu socialistas an minga representacion au conseu regional e l’avenir s’anóncia ben negre.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ciril Nissa
3.

Es moart lo Reinat. REP.

  • 0
  • 0
Ciril Nissa
2.

Vauzelle sostenia lo "Collectif Provence", es ver. Mas aüra, Estrosi, lo noveu president de region PACA, lo sosten tamben ! Quauqui setmanas fa, denant li fèstas, Ràdio Nissa Pantai l'a entrevistat e lo sieu discors mostrava ben qu'èra completament aquist ai idèas dei pseudo-provençalistas !

D'ailhors, es pas un fach noveu : dau temps dau sieu promier mandat de cònsol de Nissa, avia mes coma encargat a la cultura Jean-Marc Giaume, un anti-occitan primari tamben ligat au "Collectif Provence".

  • 10
  • 1
savonarole
1.

per ieu, sensa socialistas au consèu regionau, l'avenir ei luminós... Rementi que Vauzelle sosteniá lo collectiu "prouvènço"

  • 4
  • 8

Escriu un comentari sus aqueste article