Una pudesina aspra desbordèt sus lo còup de l’atalhier. Lo drollet posquèt fin finala aclapar sa chara en son mandion ensanhosit. Los atòmes de ferre volguèron si remetre en fòrma d’Atomnium, mas ne'n aguèron pas lo temps alora si faguèron tant de plecs que ren si poían desformar tant coma los demònis dau fum avíon espandit en sursfàcia. 

Lo mesteiran avia après vendut la lama a la mairegrand de Maria-Bruna. E era demoraa sensa mai d'istòria que qualques murtres ancilarós en la familha fin a aquesta velha de vot.

La cachoraa filheta sortèt en la baissa de la cort, cochèt lo jalàs amb la fièra cresta vermelhona dau femoràs, pi portèt sa contribucion a la benanança fòrça relativa de la fermeta.

Pi, rentrant en la sala comuna, s’alestissèt de son manteu carmin, escotèt las recomandacions de sa mama e si metèt en chamin, es que amava tant sa mairegrand.