Passèt après a senestra dau Plan dals Infernals, que conoissia ben la legenda que s’es perdua quauques sègles pus tardi. Ailà, fuguèt mens estonaa de trobar una segonda frucha roja e tronconica, perqué era mielhs expausat. Faguèt la meme chausa qu’amb la premiera. Pi comencèt de montar la dralha dau Vielh Clovus, ont, a l’epòca, si riscava pas de veire degolar a rabaton un o unos VTT.

Laissèt a man senestra los Trucs, que son pas de trucs de magicians mas coma si disia en lo Sud de França de blòcs erratics aicí de forma esquasi cubica perqué calan dals bauces.