Opinion
Tot çò que vos an pas ensenhat a l’escòla
Aquesta setmana vos hè un pichon resumit de la visita qu’èi organizada a Tolosa lo 1èr d’octobre a l’entorn de l’istòria desconeishuda de la vila. Son causas qu’èi agut lo plaser de descobrir un còp adulte e que m’aurén interessat de conéisher mès lèu. Mes benlèu es pas lo ròtle de l’escòla republicana d’assabentar los dròlles suu passat deu lòc on viven…
Los Tolosatas èran Cèltas (daubuns diserén "galleses") aligats a Jules Cesar contra Vercingetorix. Los Romans arribèn en 120 abans Jésus Crist e non pas en 52, com se ditz a l’escòla.
Au sègle IV-au, l’emperaire Constantin, l’òmi mès poderós de son epòca, mandèc son frairs de pair per estar educats a Tolosa, mentre que hasèva vénguer un professor de retorica tolosan (Aemilius Magnus Arborius ) per escoliar son filh. Tolosa èra la capitala mondiala de la retorica.
Es a Tolosa qu’estoc estancada l’espandida musulmana venguda dempuèi la peninsula araba en 721 e non pas a Peitieus en 732, segon los cronicaires e istorians arabes.
Es a Tolosa en 1070 qu’estoc creada la purmèra societat d’accions deu monde. S’i tractava de la Societat deus Molins deu Basacle que produsissèva harina dambe un seissantenat de molins sus Garona.
Es a Tolosa qu’estoc creada la purmèra Academia Artistica deu monde. S’aperava l’Academia deus Jòcs Floraus.
Tolosa estoc la capitala deu l’empèri visigòt e deu reiaume d’Aquitània. En 1632, lo duc de Montmorency declarèc l’independéncia deus Estats de Lengadòc, mes estoc arrestat e descapitat a Tolosa. Èra l’objècte d’un culte popular vertadièr.
En 1443 estoc creat a Tolosa lo purmèr parlament (cort de justícia sobirana) en dehòra de París. La rason d’aquesta creacion èra qu’en Occitania s’aplicava lo dret roman e non pas au nòrd de Léger.
Entre 1189 e 1789 Tolosa estoc una Republica consulària en seguida d’una revolucion. Son los Capitols que regissèva la vila.
Tolosa es la sola vila deu monde on la sedença deu poder (Lo Capitòli) es tanben un teatre musicau.
Es a Tolosa qu’estoc creat lo purmèr Servici d’Ajuda Medicala d’Urgéncia (SAMU) per Louis Lareng en 1968.
Es a Tolosa que volèc lo purmèr avion supersonic comerciau en 1969.
Es a Tolosa qu’estoc creat lo Purmèr centre de traduccion lenga deus signes.
Es Tolosa que ganhèc la purmèra Copa d’Euròpa de rugby en 1996.
E sustot duas informacions màgers de desbrembar pas:
Tolosa es la vila mès beròia deu monde.
Los Tolosans son pas chovinistas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Grand mercé l'omé !
Mas..qu'es una sedença ?
Te conselhi de veser meu paja de FB ont parli de Julie Gayet qu'era venguda a Tolosa per parlar d'un film ont que joga lo rotle d'Olympa de Goja. Per ieu, pensi qu'aquele Julie a l'esperit tant dobert que lo cuol d'una tina.
Un mercé grand Joan-Marc... tot aquò es tant util coma interessant... e sembla obrir la via cap a una novèla istòria fisabla de l'occitan e de la cultura occitana... tan necessari a la consolidacion de l'identitat occitana... benlèu "l'istòria secrèta d'Òc",
Mercés per aquestes complements fòrça interessants !!
La primièra Societat moderna per accions es nascuda al bazacle sus rivas de Garona.
Es en 1372 que se creguèc «l'Honor del molis del Bazacle» La societat dels molins del Bazacle. La carta del fondament es a las arquius despartamentalas.
L’istòria s’acabèc en 1946 quora fusquèc represa per EDF.
Los molins del Bazacle faràn un retorn mejan de gazanh de 5% l’an, ambe puntas de 15% e 20%. Una remirable perfomença.
En 1952 un istorian del drech Germain Sicard, publiguèc una tèsa, caisuda dins lo desbrembe entrò que Wild Goetzmann professor a l’universitat de Yale (USA) venguent consultar las arquius la tornèc descobrir. La Fasquèc coneisser als Estats-Unids e es estudiada entà Yale
Lo conselh d’administracion èra elegit, tot lo monde podià crompar d’accions que se disian « Uchaus » los accionaris èron los Parièrs e lo « dividende » lo Parson.
90% dels benificis anavon als accionaris.
La tèsa de Germain Sicard es de legir.
.http://www.fb-bourse.com/les-moulins-du-bazacle/
Ont erèm ? Ont ne sèm ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari