A costat madeish dera Val d'Aran que i a era Val de Luishon, separada peth Portilhon e per ua termièra politica, mès qu'ei, totun, un país autant occitan coma Aran. Eth darrèr dimenge de junhsèga, ena ocasion dera corsa Aran per sa Lengua, auérem era escadença de parlar damb dus luishonesi, un d'eri ei fòrça coneishut en Aran: Joan de Nadau.

Er aute qu'ei Matièu Barès, un musician que seguís eth camin de Joan de Nadau. Professor d'occitan ena escòla publica, que parlèrem damb eth sus era situacion dera nòsta lengua aquiu ena val de Luishon.