http://www.insolente-veggie.com/en

#10 Es sa fauta a Pamela o aquela de la societat ?

#9 Oc-ben. "l'associacion blonda pulposa descerebrada e causa animala que seria necessàriament futila" efectivament, èra benlèu pas una bona causida estrategica pels defenseires dels animals de prendre una actritz, amb un imatge public que coneissèm, de mai americana...
Mercés pels potons!

#8 Vesi çò que voletz dire. Cresi ça que la que las femnas preocupadas per lor aparéncia, que son sexis, son mai aisidament guinhadas/mesas a l'index e mens presas al serios per amor que la societat es aital, demanda a las femnas de se far polidas mas pas trop si que non, son de salòpas nècias, e pas tròp pauc, si que non, se neglegisson, son frustradas etc.
Bon, per ieu, aqui, es sobretot l'associacion blonda pulposa descerebrada e causa animala que seria necessàriament futila que me pausa question, pas sonque dins aquel dessenh. Lo comentari de Pirolet çai-bas me fa soscar que soi pas dins lo faus.
Quala èra la tòca d'aquel dessenh en fach ? Es pas de dire que la causa animala es pas tant importanta, o mai completament futila, que la causa umana (umans que son tanben d'animals, o remembre) ? Es pas de dire que Pamela Anderson a una actitud piota de se concentrar sus la causa animala non pas sus la guerra en Siria (en oposant l'una amb l'autra) ? Es pas de dire que Pamela, que seria per esséncia futila, faria melhor de se mainar de sos afars ? Sabi pas, èra ma lectura, m'engani benlèu (?)
Es probable pas greu aquel dessenh, i a pièger, mas quand òm es confrontat a aquel discors, o a pièger, fòrça sovent, pòt far cagar a fòrça.
Potons

#7 Compreni lo vòstre punt de vista, mas pensi pas que i aja un maltractament de Pamela Anderson pr'amor de son genre. Un teleconsomator de basa coma ieu coneis de P. A. solament sa participacion a la famosa seria "Alerte à Malibu" ont l'actritz cricaturèt ela-meteis la blonda-popuda. Es demorada atal dins l'imaginari de totes. Venguèsse lo David Hasselhoff al Parlament per parlar de la causa animala, s'auriá poscut veire lo meteis dessenh amb D.H. en eslip roge. Me sembla. (En tot cas, soi segur que cap de dessenhaire aguèt pas l'idèa de representar Edmonde Charles-Roux atal ; i a tanben una question de gestion de l'imatge personal.)
Coma dessenhaire, me demandi cossí auriái poscut dessenhar Pamela Anderson sens far una rossela popuda e marcada per la cirurgia estetica...