Bandièra01 1180x150: Comuna de Tolosa

Actualitats

Perqué tant de calor?

Diverses factors an provocat una considerabla aumentacion de las temperaturas dins tot l’Emisfèri Nòrd

| U. S. Department of Agriculture
Auretz ben remarcat que sèm a viure un estiu excepcionalament caud. Aquò capita pas solament en Occitània mas dins tot l’Emisfèri Nòrd de la planeta. Tant en Argeria, en Artida siberiana, coma a Los Angeles e quitament a Hong Kong s’es viscut simultanèament de temperaturas recòrd;  e mai en Suècia son a patir d’incendis forestièrs excepcionals e en Japon comptan fòrça mòrts a causa de la calor. Segon los climatològs, aquela calorada es causada pel cambiament climàtic, mas tanben i a una seguida de factors inabituals que cal prene en compte, çò publica VilaWeb.
 
Lo factor pus important es lo dich corrent-jet, un corrent d’aire rapid que bufa a mai de dètz quilomètres d’altitud d’oèst en èst. Quand aquel corrent es tras qu’intens, provòca de grandas tempèstas mas, quand se calma, se produtz de calor. Dempuèi qualques setmanas, los corrents-jets son inabitualament suaus.
 
Un autre factor de remarcar son las nautas temperaturas de l’ocean Atlantic Nòrd, que poirián correspondre a un fenomèn nomenat oscillacion atlantica multidecennala, una variacion de la temperatura de la superfícia oceanica que capita entre cada quaranta e cada ochanta ans.
 
Cossí que siá, aquela aumentacion de la temperatura de l’ocean, combinada amb l’escassa activitat del corrent-jet, poirián explicar, en partida, los recòrds de calor. Mas cal prene en compte qu’en 1976 se visquèt una situacion semblabla per çò qu’es de la combinason d’aqueles factors, mas l’efièch de la calor foguèt fòrça mens prononciat que l’actual. Per tant, los scientifics son segurs que la causa principala d’aquela calorada son las consequéncias de l’escalfament climatic mondial.





abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Es sencill, l'home s'ha passat massa i ara recull el que a sembrat, i espera't que això només es el començament, els científics diuen que això s'acaba en 28 anys. A veure que fa la humanitat ara?
Crec que si ens en sortim, ens costarà molt, potser cal que ens preparem...
Visca la Terra...Lliure!
L'Ernest, "El Tàrrega".

  • 0
  • 0
Reinat TOSCANO LO VAU
1.

Sensa demembrar dos ponchs:
1) dins lo meme temps, onte vivi, ai jamai agut tant de neu despièi que i vivi.
2) en defòra de quàuqueis cas d'auratges, la calor es raraement la causa dei fuècs, mais solament un factor agravant.

  • 0
  • 0

Escriu un comentari sus aqueste article